成人快手

Peth trist yw gorfod nodi bod achosion fel hyn ar gynnydd ymhob rhan o'n gwlad ac mae Ysgol Dyffryn Ogwen yn y broses o wario ar osod camer芒u diogelwch ar hyd ac ar led yr ysgol er mwyn ceisio atal y fath ddifrod difeddwl ac anghyfrifol.

Fel y dywedodd Mr Alun Llwyd, prifathro'r ysgol wrth Llais Ogwan, "Mae'r difrod hwn yn golygu ein bod yn gorfod gwario ar bethau hollol ddi-fudd er mwyn gwarchod adeiladau'r ysgol. Gyda'r arian rydym yn ei wario ar y camer芒u, gallai'r ysgol brynu llyfrau a chyfrifiaduron i'r plant ac mae digwyddiadau cyson fel hyn yn wastraff llwyr ar gyllid ac adnoddau'r ysgol."

Cyfrifoldeb
Felly, mae gan bawb, yn rieni, trigolion a threthdalwyr, gyfrifoldeb i geisio atal anfadwaith o'r fath. Wedi'r cyfan, ein plant ni ein hunain sy'n dioddef oherwydd gweithgareddau yr ychydig sy'n mynnu malurio popeth o fewn eu cyrraedd. Yn anffodus, mae'r ystadegau'n dangos mai plant oed ysgol sy'n bennaf gyfrifol am y math hwn o falurio, ac os mai plant sy'n gyfrifol am y difrod y cyfeiriwyd ato uchod, oni ddylai pob rhiant holi eu plant ynghylch eu gweithgareddau a lle maen nhw'n mynd pan maen nhw allan?

Tresmasu
Mater arall sy'n peri gofid yw'r tresmasu sy'n digwydd yn ystod oriau ysgol a thu allan i'r oriau hynny. Dywedodd y prifathro nad oes hawl cyfreithiol gan unrhyw un i ddefnyddio tir yr ysgol fel llwybr i fyrhau taith o un lle i'r llall. Bu mewn cysylltiad a'r Cyngor Sir a dywedwyd wrtho nad oes llwybr cyhoeddus wedi ei farcio ar y map sy'n nodi terfynau tir yr ysgol, ac os oes rhywrai'n dweud eu bod wedi defnyddio'r tir fel man cerdded ers cenedlaethau, yna, dim ond trwy 'rym arferiad' y gwnaed hynny.

Yn ddiweddar iawn bu i rywun oedd yn tresmasu daflu carreg i mewn i ddosbarth yn llawn o blant ac felly, ar sail diogelwch yn unig, mae'r prifathro yn gofyn i'r cyhoedd gadw draw o dir yr ysgol os nad ydynt yn ymweld ar fusnes swyddogol yn ymwneud a'r ysgol neu ag addysg eu plant.