|
Dyna wnaeth Emrys Owen, rheolwr y Black Boy i ddathlu ei ben-blwydd yn hanner cant.
Roedd Emrys wedi bod yn Seland Newydd y llynedd yn dilyn taith rygbi'r Llewod ond, a'i fraich mewn sling ar 61 torri pont ei ysgwydd, methodd a chyflawni ei ddymuniad i neidio oddi ar yr Auckland Sky Tower.
Felly dyma benderfynu picio i ben draw'r byd i wireddu'r freuddwyd a dathlu ei ben-blwydd yr un pryd.
Rhyw gwta ddiwrnod a hanner fuodd Emrys yn Seland Newydd ac fe dreuliodd bron i ddwy awr o'i amser prin yn esbonio i'r swyddogion tollau pam ei fod yno am gyn lleied!
Fe fwynhaodd Emrys y profiad cymaint fel ei fod yn ystyried gwneud rhywbeth 'dwl' i ddathlu ei ben-blwydd bob blwyddyn o hyn ymlaen.
Vladivostock am y dydd flwyddyn nesa efallai?!
 |
听
