|
Ond er gwaetha'r 'gwyliau' mae'n ymarfer ar ei ben ei hun bach yng nghysgod Pont Britannia.
Dyna ymroddiad athletwr llawn amser, sef yr hyn ydy Gareth, o Gae Gwyn, ers gorffen ei gwrs coleg yn UWIC, Caerdydd. Ag yntau wedi ei ddewis i d卯m Cymru ar gyfer Gemau'r Gymanwlad ym Melbourne, Awstralia ym mis Mawrth prin bod 'na ddiwrnod yn pasio pan nad ydy Gareth yn ymarfer. 
"Dwi'n g'neud tua tair neu bedair awr bob dydd," meddai Gareth, "weithiau ar y trac, weithiau yn y gym neu dipyn o'r ddau." Yr ymroddiad yna sydd wedi ei ddyrchafu i fod yn un o redwyr 400 metr gorau Gwledydd Prydain. Cynrychiolodd Gymru a Phrydain yn barod a theithiodd ledled Ewrop yn rhedeg. Bu yn Norwy, Slofacia, Portiwgal, Hwngari a Sbaen i enwi dim ond rhai o'r gwledydd yr ymwelodd 芒 nhw.
"Mae'n gallu bod yn galed iawn," meddai, "yn enwedig ar dy ben dy hun fel hyn. Pan dwi yng Nghaerdydd mae na ryw ugian ohonan ni, ac mae ganddon ni gyfleusterau dan do hefyd. Ond ar fora rhewllyd fel hyn mae'n gallu bod yn unig iawn ac mae isho lot o fynadd." Darryl Maynard ydy ei hyfforddwr llawn amser ond pan fydd o adra fe gaiff help Gethin Thomas, athro yn Ysgol David Hughes, Porthaethwy. Ond yn Ysgol Syr Hugh y cychwynnodd redeg, dan oruchwyliaeth ei athro ymarfer corff, Ieuan Jones. Roedd Gareth, sy'n 22 oed, yn chwarae rygbi i'r ysgol hefyd - ar yr asgell wrth gwrs! A chan ei fod dros ei ddwylath ac yn gyflym fe ddatblygodd yn naturiol i fod yn wibiwr penigamp. Ei nod ym Melbourne ydy cyrraedd y ffeinal yn y ras unigol ond, os gall fod yn un o'r pedwar yn y ras gyfnewid, mae siawns gwirioneddol am fedal. Wedi'r cyfan mae o mewn cwmni da ac yn ymladd am le naill ai Iwan Thomas, Tim Benjamin, M Elias neu Rhys Williams.
O gyrraedd y nod mi fydd yr oriau yn Nhreborth wedi talu ar eu canfed. (Mae cynrychioli Cymru yn waith drud. Os oes na fusnes lleol ffansi noddi Gareth cysylltwch 芒 Papur Dre.)
 |
听
