|
Tra roedd o draw yn Perth mi gafodd wythnos o waith gyda Chlwb Rygbi Rhanbarthol Western Force, sydd yn chwarae yng nghystadleuaeth y
Super 14, ac yn cynnwys 7 chwaraewr rhyngwladol Awstralia.
"Mi ges i brofiad gwych yno", meddai Osian. "Mae wedi bod yn agoriad llygaid i
weld pa mor broffesiynol ydy rygbi yn Awstralia.
"Mae'r chwaraewyr yn cael prawf braster corff bob bythefnos, yn ymarfer yn ddyddiol, ac am 8 o'r gloch bore Llun yn cael prawf anadl."
Tydi Osian, fodd bynnag, ddim yn meddwl y bydd y Cofis yn barod i wneud hyn i gyd, ond mi fydd na brawf braster i'r hogia bob 6 wythnos o hyn ymlaen.
Felly
os gwelwch chi unrhyw aelod o dim cyntaf rygbi Caernarfon yn bwyta bwyd cyflym yn Dre, cysylltwch ag Osian yn syth!
Yn 么l Osian roedd hi dipyn gwahanol hyfforddi rygbi yn Perth mewn tymheredd o 40掳 ym mis Chwefor, mewn crys-t a siorts.
Hyn o'i gymharu i'r Morfa ar nos Fawrth a nos Iau, yn gwisgo 5 haenan o ddillad!
Ar ddiwedd ei Wythnos cafodd docynnau i weld y Force yn erbyn Auckland Blues, gyda'r Force yn colli."
"Ella bydd rhaid i rai o'u hyfforddwyr nhw ddod draw i Dre i weld sut mae ennill," meddai Osian a'i dafod yn ei foch.
"Dwi'n gobeithio mynd yn 么l i Awstralia," ychwanegodd, " ac i Seland Newydd hefyd ddiwedd y flwyddyn er mwyn ehangu fy ngwybodaeth.
"Gweld a chyfarfod y Crusaders a'r Warratah's fydd y
daith nesaf.
"Ond mi fyddai'n dal gwaith gyda Chlwb Rygbi Dre, ag Academi Rygbi Gogledd Cymru." Newyddion drwg i werthwyr byrgers a chips!
 |
听
