|
Cynhyrchiad dwyieithog (Cymraeg a Saesneg) oedd hwn gyda'r ddwy iaith yn cael eu defnyddio yn ystod y cynhyrchiad. Mae rhai o'n darllenwyr yn cofio inni lwyfannu cynyrchiadau Cymraeg ar un noson a Saesneg ar y llall gyda chastiau gwahanol yn y gorffennol.
Y tro hwn, rhoddwyd cyfle i 72 0 ddisgyblion berfformio'n ddwyieithog a braf oedd gweld nifer a oedd yn derbyn eu cyfle cyntaf i actio'n gyhoeddus. Yn wir, roedd Kyle Shirajudin (Capten Von Trapp) o Benmachno yn syrthio i'r categori hwn. Yn anffodus, ychydig wythnosau cyn y perfformiadau, darganfuwyd fod Kyle yn dioddef o Glefyd y Siwgr a bu'n rhaid iddo dreulio rhai dyddiau mewn ysbyty yn rheoli'r aflwydd. O ystyried y problemau salwch a gafodd wrth ymarfer, mae'n rhyfeddod iddo allu dygymod 芒 pherfformio o gwbl ond gwnaeth hynny'n hynod lwyddiannus.  Chwaraewyd rhan Maria, y lleian, a oedd gyda'r brif ran, yn hynod ddeheuig gan Kathleen Button o Lanrwst. Bu iddi roi ei holl ymdrech i'r perfformiadau ac roedd yn gwybod llinellau bron pawb o'r cast. Dyma enghraifft o roi'r cyfan i'r perfformiad. Un arall y derbyniwyd canmoliaeth fawr i'w actio oedd eiddo Tom Awdry o Benmachno. Er ei fod yn gymharol fychan o gorffolaeth gwnaeth iawn am hynny trwy gael y gynulleidfa yn ei ddwylo ym mhob perfformiad.
Y tro hwn, rhoddwyd cyfle i blant llai galluog yn academaidd i gymryd rhan - hyn yn unol 芒 pholisi'r ysgol o fod yn un gynhwysol gan geisio rhoi cyfle i bawb. Roedd gweld eu hymdrech arbennig yn wledd i'r llygad a theimlwyd yn falch iawn o'u hawydd i gymryd rhan. Dyma'r tro cyntaf inni lwyfannu Sioe Gerdd ers rhai blynyddoedd. Diolch i BAWB a gynorthwyodd mewn unrhyw fodd i wneud y perfformiad yn un llewyrchus. Rwy'n si诺r na fydd neb yn gwarafun imi enwi rhai athrawon a fu'n hynod gefnogol o'r cynhyrchiad gyda'u hamser a'u brwdfrydedd. Cyfeiriaf yn neilltuol at Mrs Joy Ostle (Cynhyrchydd), Mr Chris Roberts a Mrs Linda Morus (Cyfarwyddwyr Cerdd), Mrs Ann Davies (Dawns), Mr Gwyn Hughes Roberts (Set), Mr lan W Griffith a Mr Neil Harris (Sain a Goleuo). Bu'r Staff Gweinyddol ac eraill yn cynorthwyo gyda'r coluro a threfniadau gwerthu tocynnau ag ati ac mae'n diolch a'n gwerthfawrogiad iddynt hwythau hefyd am eu gwaith dygn a phwysig. Serch y diffyg hawl i roi cyhoeddusrwydd trwy bosteri ag ati i'r sioe, llwyddwyd i gael neuadd lawn ar y tair noson a barn y mwyafrif wrth fynd allan ar y diwedd oedd iddi fod yn brofiad gwefreiddiol bob tro. Gofynnwyd sawl tro ar y tair noson am inni baratoi sioe gyffelyb debyg yn fuan eto - ond amser a ddengys beth a ddaw i'r dyfodol. Tybed beth fyddech chwi fel darllenwyr yn ei hoffi tua Nadolig y flwyddyn nesaf - ai Gwasanaeth Carolau lled draddodiadol ynteu sioe debyg i hon? Byddai'n ddiddorol gwybod. Ond am y tro, gobeithio fod pawb wedi ennill budd o gymryd rhan a phwy a 诺yr na welwn enwau rhai o'r actorion ar fyrddau y tu allan i brif theatrau'n gwlad ymhen rhai blynyddoedd. Eto, amser a ddengys!
 |
听
