A hwythau newydd gael trefn ar atgyweirio'r difrod yn dilyn dilyw Chwefror y llynedd, llifodd dyfroedd yr Afon Gonwy i dai'r trigolion yn y ddwy ardal gan ddifrodi eu heiddo unwaith yn rhagor.Ymddengys bod y cwmn茂au yswiriant yn gwrthod ag ystyried ceisiadau i'w digolledu gan eu bod yn disgyn o fewn cyfnod o lai na blwyddyn. Oherwydd hyn mae perchnogion y tai a ddioddefodd effaith y llifogydd diweddaraf yn anobeithio ac yn teimlo y byddant yn garcharorion yn eu heiddo am ei bod yn annhebygol y byddai unrhyw un yn fodlon eu prynu petaent yn eu rhoi ar y farchnad.
Ddydd Sadwrn, drannoeth y llifogydd, ymwelodd yr AS Elfyn Llwyd, y Cynghorwyr lan Jenkins a Sian Lloyd Jones, yn ogystal 芒'r Cynghorydd Angharad Booth Taylor, sy'n aelod o gabinet Cyngor Conwy, 芒'r trigolion a ddioddefodd effeithiau'r d诺r.
Yn dilyn ei ymweliad, dywedodd Elfyn Llwyd y byddai'n codi'r mater yn y Senedd ddydd Mercher Ionawr 12fed ac yn tynnu sylw'r Prif Weinidog at broblem gorlifo Dyffryn Conwy.
Dywedodd y Cynghorydd lan Jenkins ei fod wedi cysylltu a swyddogion y Cyngor i drefnu cyfarfod brys o'r Cyngor i drafod yr argyfwng. Dywedodd y Cynghorydd Angharad Booth Taylor: "Dylid lledu yr afon i lawr y dyffryn a dyfnhau ei gwely er mwyn i'r dwr redeg yn gynt ac osgoi'r difrod sy'n cael ei beri yn Llanrwst a Threfriw Seneddol, Elfyn Llwyd, yn brwydro am gyllid ychwanegol i ariannu'r gwaith".
Pwysleisiodd y Cynghorydd Sian Lloyd Jones bwysigrwydd gweithredu'n gyflym ac apeliodd ar ei chyd-gynghorwyr ar Gyngor Conwy i'w chefnogi er mwyn goresgyn y broblem yn effeithlon ac ar fyrder.
Un eiddo a ddioddefodd, ar wah芒n i'r tai annedd oedd Bistro'r Tanerdy sydd ar lan yr afon ym Mro Helyg. Dywedodd aelod o Gyngor y Dref, y Cynghorydd Edgar Parry sydd 芒 chysylltiad teuluol 芒'r Bistro, bod difrod i lawr isaf yr adeilad pan lifodd yr afon dros y clawdd terfyn.
Dywedodd: "Galwais am gymorth gan y Frig芒d D芒n ond pan ddaethant yma roeddent eisiau 拢350 am yr awr gyntaf, 拢600 am yr ail a chynnydd pellach am bob awr ychwanegol. Pan wrthodais dalu, troesant ar eu sodlau a gadael. Mae busnesau yn ystyried eu dyfodol yn ddifrifol gan nad oes unrhyw sicrwydd yngl欧n 芒'r dyfodol".
Bu'r Cynghorwyr lan Jenkins a Sian Lloyd Jones wrthi'n ymweld 芒 phob cwr o'r dref o'r bore bach ddydd Gwener tan fore Sadwrn gan geisio rhoi cymorth i unigolion. Roeddent hyd yn oed yn clirio gwterydd a'u dwylo mewn ymdrech i ostwng lefelau'r d诺r.
Gwir yw dweud bod y glaw yn anghyffredin o drwm ond mae'n amlwg na all y sefyllfa barhau fel ag y mae. Mae angen cydweithrediad rhwng y Llywodraeth yn Llundain, y Cynulliad yng Nghaerdydd, Cyngor Conwy ac Asiantaeth Amgylchedd Cymru er mwyn llunio cynllun effeithiol fel na fydd pobl yr ardal yn wynebu'r fath ddinistr yn y dyfodol. Pan gynhelir y cyfarfod cyntaf gobeithio y daw pob cynrychiolydd ag addewid am arian sylweddol i'w bwrdd.
听
