Fe'i ganed, yn y "Black Lion", adeilad hynafol o'r unfed ganrif ar bymtheg, i un o hen deuluoedd Conwy.
Arferai fynd i arddangosfeydd y "Cambrian" yn Plas Mawr dafliad carreg o'i chartref a hithau'n ddim ond plentyn.
Methai amgyffred sut y gallai unrhyw un greu golygfeydd mor rhyfeddol ar bapur a chynfas ac yn fuan lawn dechreuodd drin paent ei hun, a dyna oedd i gychwyn pethau.
Fu Jean erioed yn agos i goleg celf ond yn fuan dechreuodd baentio rhai o'r golygfeydd cyfareddol sydd i'w cael o amgylch tref Conwy.
Yn ddiweddarach agorodd siop gelf yn Stryd y Castell, gyferbyn 芒'r "Black Lion".
Ychydig iawn o amser aeth heibio cyn i'r ardalwyr ac ymwelwyr a'r dref ddechrau gwirioni ar ei gwaith ac roedd mynd mawr ar y lluniau.
Ers y dyddiau cynnar rheini mae Jean wedi crwydro yma ac acw i fwydo ei hoffter o gelfyddyd gain ac wedi paentio golygfeydd dramatig mewn gwledydd fel De America a Patagonia yn arbennig.
Ryda ni'n arfer ei chysylltu i thirluniau lleol, adeiladau yn bennaf, yng nghyffiniau Conwy a mannau eraill yng Ngogledd Cymru, ond mae llyfr o'i heiddo a gyhoeddir yn ddiweddarach eleni gan Wasg Carreg Gwalch ychydig yn wahanol.
Un o'r cymeriadau lleol cyntaf i Jean ei phaentio oedd Eileen Rhodes a arferai weithio yn "Y Ty Lleiaf" ar y cei yng Nghonwy.
"Nid ei phaentio yn derbyn arian yr ymwelwyr wnes i, fe rois i droell wrth ei hochr" meddai Jean.
Ychydig yn ddiweddarach paentiodd bortread o Peggy Rowlands yn ei gardd oedd o fewn i furiau'r dref.
Arferai Peggy a'i gwisgoedd lliwgar ynghyd 芒'i chasgliad o ddoliau oedd i'w gweld yn ffenestr ffrynt ei chartref ar y ffordd i lawr i'r cei swyno ymwelwyr a Chonwy, dros y blynyddoedd.
Roedd yr hedyn wedi ei blannu ac yn raddol datblygodd y syniad o greu cofnod o gymeriadau lleol ynghyd 芒 phobl oedd a chysylltiad a'r ardal.
Fe lwyddodd i berswadio rhai o'r rhain i ganiatau iddi baentio portread ohonynt ac hefyd roi braslun o hanes eu bywyd ,a'u diddordebau.
Yn raddol adeiladwyd ffolio o chwech ar hugain o bortreadau a rhain fydd yn ymddangos yn y llyfr.
Mae Jean yn ddysgwraig lwyddiannus ac yn gefnogol iawn i'r Pentan. Gwerthir nifer fawr o rifynnau yn ei siop bob mis.
Os oes artist yn unman yn haedda cysylltiad ag ardal, Jean yw honno. Byddai "Artist Conwy" yn deitl haeddiannol iddi.
听
