 |
 |
Disgwyl am y merched
Hynt y briodas:
Mae Beks Walters yn paratoi penwythnos i'w gofio ar gyfer y merched cyn priodi.
|
Onid ydw i'n fenyw ffodus!
Mae'n ymddangos bod dyn arall yn fy mywyd yn ogystal â Rod a hwnnw'n seleb hefyd!
Neb llai na Aled Sam!
Yn ôl y Western Mail ef yw'r rheswm y symudais i H K. Newyddion i Aled mae'n siwr!
Do bu ychydig o ddryswch a phenbleth yr wythnos ddiwethaf pan ymddngaosodd llun ohona i gydag Aled yn y papur uwchben y geiriau: "!Beks and fiancee Rod"
!Roeddwn i'n ddigon hapus i sgwennu darn i'r papur am fy symudiad i HK ond pan ddechreuais i dderbyn negeseuon testun rhyfedd o Gymru yn sôn am Aled Sam fel fy narpar wr doedd gen i ddim clem am beth yr oedd pobol yn sôn nes imi gael e- bost yn ymddiheuro o'r Mail.
Doniol!
Wythnos fflat owt
Bu'r pythefnos ddiwethaf yn un fflat owt gyda threfniadau'r briodas.
Rwyf wedi ymweld â stryd sy'n cael ei galw'n "wedding card street" gan y bobl leol.
Mae'r stryd yn nyfnderoedd Wanchai gyda llwythi o siopau yno yn gwerthu dim byd ond gwahoddiadau priodas.
Gwych os ydych chi'n Chineaidd ond heb fod cweit mor hwylus os mai gwelio ydych chi sef yr hyn mae'r Chineaidd yn ein galw ni'r gwynion
Ta beth, gan nad oes gennyf hanner digon o feistrolaeth ar Gantonaeg i sicrhau. fod yr hyn rwy'n ei ddweud yn gywir fe es â ffrind lleol gyda mi i gyfieithu.
Diolch I'r drefn, mae'r gwahoddiadau'n cael eu printio nawr.
Nefoedd esgidiau
Ar ben hyn bum mewn siop a fyddai'n nefoedd i Emelda Marcos siop sgidiau anhygoel.
Er mai'r bwriad oedd prynu ar gyfer y briodas, llwyddais i wneud hynny a mwy!
Mae'r bois yn y siop yn Admiralty yn arbenigo mewn sgidiau couture sydd fel arfer yn gopïau o sgidiau Jimmy Choo, Manolo Blanik a chynllunwyr tebyg.
Etifeddodd y brodyr y busnes oddi wrth eu tad a fu'n gwneud sgidiau fesul un ers trigain mlynedd.
Ni chymerodd ond dau funud imi ddewis; yn wir, fe wnaethon nhw neidio oddi ar y silff yn gweiddi, Pryna fi!
Wedi mesur fy nhroed o bob ongl bant a'r cynllun at y gwneuthurwyr ond yn y cyfamser allwn i ddim peidio a phrynu pâr arall ar gyfer un o benwythnosau mwyaf fy nghalendr - penwythnos fy hen!
Disgwyl ffrindiau
Rydw i ar drothwy penwythnos yr "Hong Kong hen" a'r bwriad ydi cael un penwythnos mawr fan hyn a un arall nôl yng Nghymru yng Ngorffennaf.
Rydw i'n ffodus drso ben bod dwy o fy ffrindiau agos yn dod allan i ymuno â mi a thua 15 o fy ffrindiau yn Hong kong.
Er bod teulu wedi ymweld â mi yn Hong Kong dyma'r tro cyntaf i ffrindiau ddod ac rwyf bron â marw ishe eu casglu nhw o'r maes awyr a dod a nhw nôl i Stanley i weld y fflat a threulio ychydig amser gydag Ela Mai a Rod cyn i bethau fynd yn wallgo!
Pan symudais i HK gyntaf fe wnes i ffrindiau gyda Nia o Gymru sydd bellach wedi symud i Singapore.
Er hyn, mae wedi gwirfoddoli bod yn gyfrifol am drefnu'r penwythnos i gyd ac yn nautriol, mae ambell beth mae'n gadw'n gyfrinach.
HELP!
Gwn yn barod y byddwn allan ar junk y dydd Sadwrn a'n bod yn aros mewn gwesty crand nos Sadwrn.
Er nad wyf yn hollol sicr be sy'n digwydd nos Wener a dydd Sul gallaf fod yn berffaith sicr y bydd Siampers yn llifo!
Mae rhan ohona i'n llawn panic rhyfedda a rhan arall yn meddwl, Na, mae fy ffrindiau yn fy adnabod yn ddigon da i beidio â chreu embaras ofnadwy imi neu ydyn nhw?!
|
|
