Mae oedfaon Radio Cymru yn ystod yr wythnosau yn arwain at y Pasg eleni wedi bod yn canolbwyntio ar saith 'G' y Garawys.
Mewn cyfres o wasanaethau amrywiol eu cynnwys a'u cyfeiriad diwinyddol, bu saith o offeiriaid a gweinidogion yn canolbwyntio ar saith gair yn hanes yr wythnos allweddol, olaf, honno ym mywyd Iesu Grist.
Gweddi - Garawys 1 (Mawrth 1):
Y Parchedig Ddr Eryl Wynn Davies o Lanfairpwllgwyngyll oedd yn arwain oedfa gyntaf y Garawys ar Ddydd G诺yl Dewi eleni, gan ganolbwyntio ar bwysigrwydd gweddi yn ystod bywyd a gweinidogaeth Iesu Grist, ac felly ym mywyd pob Cristion.
Nid rhestr siopau o ddyheadau ddylai gweddi fod, meddai, ond gweithred ddyddiol, naturiol, sy'n dwyn y Cristion i berthynas agosach 芒'i greawdwr. Dyna sail Gweddi'r Teulu a ddysgodd Iesu i'w ddisgyblion.
Gwledd - Garawys 2 (Mawrth 8):
Canolbwyntiodd y Parchedig Casi Jones o'r Felinheli ar bwysigrwydd gwledda a chyd fwyta a chymdeithasu gyda'i ffrindiau ym mywyd Iesu Grist.
Yn naturiol, roedd y sylw'n dechrau wrth fwrdd y Swper Olaf yn yr oruwch ystafell y noson cyn croeshoelio Iesu ond mae cymdeithas yr Iesu 芒'i ffrindiau yn cynyddu gwybodaeth a dealltwriaeth y Disgyblion am y ffordd y mae Duw yn gweithio ac ar waith yn y byd heddiw.
Y Gusan - Garawys 3 (Mawrth 15)
Canolbwyntioff y Parchedig John Owain Jones, Glasgow, ar arwyddoc芒d y gusan a bradychu Iesu gan Jwdas Iscariot yn nhrydedd oedfa'r Garwys.
Y ffordd y mae Cristnogion ar hyd y canrifoedd wedi ystyried y gusan; eu hagwedd tuag at Jwdas Iscariot; a'u hymateb, o ganlyniad, i hunanladdiad, gafodd sylw yn y gwasanaeth hwn.
Gwadu - Garawys 4 (Mawrth 22)
Y Parchedig Nan Wyn Powell-Davies o'r Wyddgrug oedd yn arwain oedfa Sul y Mamau, gan gyfuno ei phrofiad fel mam i dri o blant ei hun gyda'i hymateb i'r gair 'g' nesa' yn y gyfres hon.
Prif neges yr oedfa yw bod yn rhaid i bob unigolyn ddod at Dduw ac at Iesu ei hun, trwy roi'r gorau i wadu ei bechodau. Rhaid dod at Iesu yn onest.
Y Groes - Garawys 5 (Mawrth 29)
Y Parchedig Pryderi Llwyd Jones, Cricieth, fu'n arwain pumed oedfa'r Garawys, gan ysgrifennu gwasanaeth cyfoes iawn am ffurfiau o'r groes yn ein dyddiau ni.
Yn y flwyddyn 33, croeshoelio oedd y ffordd gyfreithlon o ladd. Heddiw, gallai'r groes gael ei chyfnewid am fwled o wn; am chwistrelliad o wenwyn neu gadair drydan; neu am ddioddefaint carcharorion gwersyll Guantanamo. A sut mae dioddefaint a marwolaeth cyhoeddus Jade Goody yn ffitio i'r darlun?
Gorffennwyd - Garawys 6 (Ebrill 5)
Y Parchedig Beti-Wyn James, Caerfyrddin, arweiniodd oedfa Sul y Blodau ar chweched 'g' y Garawys eleni.
Gall y gair 'Gorffennwyd' ymddangos yn un negyddol iawn ar yr olwg gyntaf, meddai, ond yn ennyn ystyr newydd yn hanes wythnos olaf Iesu Grist.
Gorfoledd sydd yn y gair pan fo'r Iesu yn ei lefaru, meddai. Dod 芒 holl waith y deyrnas i fwcwl y mae'r Wythnos Fawr, a chwblhau'r weithred o brynu'r ddynoliaeth y mae croeshoeliad Crist.
Gorchfygu - Garawys 7 (Ebrill 12
Y Parchedig Gwynn ap Gwilym, Caerdydd, sy'n arwain oedfa Sul y Pasg, gan ganolbwyntio ar seithfed 'G' y Garawys.
Yn ei atgyfodiad, gorchfygodd Iesu dri pheth, meddai -marwolaeth, pechod ac anghrediniaeth.
Yn yr atgyfodiad, ac yn ein cred ni ynddo, mae yna gyfrifoldeb, meddai wedyn, gan fod y fuddugoliaeth ar Sul y Pasg yn gwneud popeth yn bosibl.
Pan fo pechod y byd yn cael ei ddwyn gan 诺r ifanc ar groes, does gan farwolaeth a grymoedd y Fall ddim gafael arnom ni bellach. Dyna pam fod angen dal ati i weithio dros heddwch a chyfiawnder, ac i frwydro newyn a cham ar draws y byd.
听
