Beth sy'n gwneud i rai pobl ddewis encilio o'u byw bob dydd am gyfnodau? Yn 么l un oedd ar fin treulio cyfnod ar Ynys Enlli nid ymgais i ddianc a throi cefn ar wegi'r byd yw encilio. I'r gwrthwyneb, yn wir:
Meddai Nia Higginbotham, gweithwraig gymunedol, wrth y rhaglen radio Bwrw Golwg cyn cychwyn ar ei hencil hi ar Ynys Enlli:
"Mae'n awydd i gymryd ysbaid o amser i feddwl am stad y byd ac am stad y greadigaeth ac am ni'n hunain a'n lle yn y byd.
Ac mae hanes Enlli a'r ymdeimlad fod y Saint yno, mae'n si诺r, yn denu.
"Dydw i erioed wedi bod yno [o'r blaen] ond mae rhai sydd wedi bod yn dweud ei fod yn rhoi modd i fyw ac yn help mawr i fedru dod n么l a wynebu bywyd."
Dywedodd nad cyfle i ddianc rhag y byd yw hyn ond:
"Dianc i fedru gwneud mwy o synnwyr . . . o'n lle ni yn y byd a beth ddylem ni fod yn ei wneud ac i weld posibiliadau natur ac yn fwy na hynny i weld posibiliadau pobl o gred a beth allwn ni wneud i adael ein marc ninnau ar y byd."
Werth s么n am bwysigrwydd lle dywedodd:
"Mae yna ymdeimlad yn aml fod llefydd yn sanctaidd ac yn sicr mae llefydd pellennig yn gadael i rywun ryfeddu at y greadigaeth ac yn rhoi rhyw bersbectif inni am ein lle . . . ac mor fach ydi llawer o'n pryderon personol yn llif hanes ac yng nghyfanwaith y greadigaeth."
听
