成人快手

Agorwyd y gweithgareddau gan y Parchedig Desmond Davies, Gweinidog Y Tabernacl Caerfyrddin, ac fe ganwyd emyn mawr John Gwilym Jones 'Fe chwythodd yr awel at Gymru drachefn', ac i ddilyn fe welwyd llwyfan llawn o blant a phobl ifainc Aelwyd Ffynnon-ddrain ac Aelwyd Myrddin.

Canodd Andrew Rees y g芒n hyfryd 'Bugeilio'r Gwenith Gwyn' a Rhian Williams Gywydd T Gwynn Jones i Norah. Cafwyd cyflwyniadau hefyd gan Mari Emlyn, Mererid Hopwood a Tudur Dylan. Yna daeth Cefin Roberts a'i ddisgyblion o Ysgol Glanaethwy i'r llwyfan gan gyflwyno hanner awr wefreiddiol wedi ei phlethu gan ddawnsio byrlymus Dawnswyr Nantgarw yng ngofal Cliff Jones ac Eirlys Britton ynghyd ag aelodau Lleisiau Ll锚n y cwmni a sefydlodd Norah yng Ngholeg y Drindod.

Ar 么l i'r Prchedig Lyn Rees, Rhydaman gyflwyno emyn Gwyl Ddewi Norah a'r gynulleidfa yn ei chanu cafwyd cyflwyniad llafar gan Carys Davies, Enillydd Gwobr Llwyd o'r Bryn 1995 a theyrngedau disglair a phwrpasol gan Y Parchedig R. Alun Ifans, Llwydd Llys yr Eisteddfod Genedlaethol.

Lansiwyd Cronfa Goffa Norah Isaac gan y Dr. Medwin Hughes, Prifathro Coleg y Drindod gan ei bod yn fwriad gan y Coleg i gomisiynu ffenestr liw er cof amdani.

Offrymwyd gweddi i gloi gan Y Parchedig Desmond Davies a therfynwyd trwy ganu emyn mawr Lewis Valentine 'Dros Gymru'n Gwlad'. Trefnwyd y rhaglen gan Mererid, Cefin a Peter ac yn dilyn y cyfarfod cafwyd cwpaned o de a chyfle i gymdeithasu yn Ystafell Cothi yng Ngholeg y Drindod.

Ac yng ngeiriau un a anfonodd air o ddiolch yn dilyn y cyfarfod - "Braint yn wir oedd cael bod yno - byddai Norah wedi ei phlesio".

Mae cerdd gan y prifardd Mererid Hopwood i Norah Isaac yn rhifyn mis Ionawr o Cwlwm.