|
"Ysbrydoledig a gwefreiddiol"
"Un o'r pethau gorau rwyf i wedi ei weld ar lwyfan yn unrhyw le yn ystod yr ugain mlynedd diwethaf."
Roedd ymateb y gynulleidfa yn unfrydol wrth iddynt adael neuadd Ysgol Dyffryn Teifi yn dilyn perfformiadau'r disgyblion o'r sioe 'Joseff a'i got amryliw'. Cafwyd canmoliaeth frwdfrydig o bob tu.
Roedd y c么r mawr lliwgar a oedd wedi ei leoli ar hyd ochrau'r neuadd yn bwerus a disgybledig ac yn cyfrannu'n aruthrol at lwyddiant y noson gan greu sain a oedd fel rhyw fath o system stereo o gwmpas y gynulleidfa. Roedd aelodau'r band hefyd yn wych. Mae hi'n sioe amrywiol iawn sydd 芒 chaneuon mewn arddulliadau gwahanol a chyflwynwyd rhain yn ddramatig dros ben - i'r glust ac i'r llygaid.
Roedd y set a'r gwisgoedd yn effeithiol iawn ac yn sicr yn ychwanegu at y naws. Roedd y cefnlenni'n arbennig o gywrain a'r gwisgoedd yn cyfleu'r cymeriadau a'r sefyllfaoedd i'r dim. Cafwyd cymysgedd clyfar o'r swreal a'r realistig ac ni ellir ond canmol gwaith yr adrannau Celf a Thecstiliau.  Ar y llwyfan ei hun, roedd cymaint yn digwydd! Llwyddwyd i wneud y digri yn wirioneddol ddoniol a'r golygfeydd dwys yn rhai dirdynnol. Roedd egni'r cast yn heintus gyda phob un yn chwarae ei ran gydag arddeliad. Yn sicr gwelwyd doniau perfformio arbennig ar y llwyfan yn ystod y saith perfformiad a gafwyd. Teg yw s么n yn benodol am berffromiad meistrolgar, hyderus Rhys Griffiths fel Joseff a pherfformiad graenus Elen Morgan fel llefarydd sy'n clymu'r cyfan. S锚r yn wir!
Bydd y golygfeydd o'r dawnsio bywiog wedi i Joseff gael ei ddwyn i'r Aifft; drama ddu a gwyn Potiffar; Pharo yn canu am ei freuddwyd; y brodyr newynog yn chwilio am fwyd; Joseff yn cyhuddo Benjamin o ddwyn, a chot Joseff ei hun yn cael ei hagor ar y diwedd yn aros yn hir yn y cof. Ac wrth gwrs roedd yna lawer, llawer mwy. Roedd hi'n sioe yn llawn uchafbwyntiau a'r sylw i fanylion bach a gafwyd yn y cynhyrchiad yn gwneud y profiad theatrig yn un unigryw.
Rhaid canmol yn arbennig waith yr Adran Ddrama a'r Adran Gerdd am eu gwaith gwych.
 |
听
