 |
 |
|
Gwraig y Goron
Llunio tlysau cain ar gyfer enillwyr |
|
|
|
Yr oedd y wraig sydd wedi cynllunio'r goron sy'n cael ei gwisgo yn ystod un o brif seremon茂au'r Eisteddfod ar ymweliad 芒'r Wyl ddydd Iau.
Yn 79 oed mae Kathleen Makinson a aned yn Efrog Newydd yn dal i wneud tlysau ar gyfer yr Eisteddfod.
Symudodd i fyw yng Nghymru gyda'i g诺r a'i dau o blant yn 1956 ac mae'n awr yn byw yn Ninbych.
Er nad yw hi yn medru Cymraeg dywedodd i'w phlant ddysgu'r iaith ac oherwydd ei gwaith ei hun gallodd feithrin cysylltiad agos a'r diwylliant Cymraeg.
Gwnaeth ei choron gyntaf ar gyfer eisteddfod arbennig a gynhaliwyd yng Nghaerwys, 1968.
Ers hynny mae wedi gwneud naw coron ar gyfer yr Eisteddfod Genedlaethol a rhwng 1976 a 1996 lluniodd 99 o dlysau ar gyfer enillwyr yr Urdd.
Mae hefyd wedi cynlluniau tlysau ar gyfer y 成人快手, y Cymmrodorion ac HTV ymhlith cyrff eraill.
Defnyddir y Goron a wnaeth i'r Urdd i goroni awdur rhyddiaith gorau'r 糯yl ar ddydd Gwener Eisteddfod Genedlaethol y mudiad.
Bydd y llenor ei hun yn cael coron lai i'w chadw.
Am y Goron sydd wedi ei gwneud o arian gyda chennin Pedr gild arni dywedodd: "Y syniad oedd cael cennin Pedr o amgylch y goron, a'r rheini yn gallu symud mymryn er mwyn dal y golau."
Ar gyfer y seremoni eleni twtiodd a diweddarodd y Goron.
Hi hefyd wnaeth fedalau'r prif gystadlaethau gan gynnwys y brif gystadlaethau llenyddiaeth, y cystadlaethau celf, dylunio a thechnoleg, y Fedal Ddrama, y fedal ar gyfer y cyfansoddwr gorau a Medal John a Ceridwen Hughes a'r Fedal ar gyfer enillydd Ysgoloriaeth Bryn Terfel a ddyfernir fis Medi.
Hi hefyd fu'n beirniadu'r adran gemwaith yng nghystadleuaeth y Fedal Grefft yn yr Eisteddfod.
Meddai, "Wrth feirniadu'r gemwaith roeddwn yn edrych ar sawl agwedd o'r gwaith; gwreiddioldeb y syniadau er mwyn cyfleu'r thema 'symud', safon y creu ar gyfer yr oed dan sylw, y dewis o ddeunyddiau, y defnydd o liw a pha mor ddeniadol oedd y darn.
"Roedd gwaith y plant cynradd yn fendigedig gyda digon o gystadleuwyr 芒 syniadau da a defnydd da o ddeunyddiau."
|
|
|
|
|
|
听
