Briosgaidean Brisg-chagnaidh
Nì seo mu 18-20
80g siùcar bog ruadh
125g ìm bog gun salann
2 spàin-bhùird siorap
175g flùr a dh’èireas
50g rus bhrisge
50g criomagan teòclaid
Cuir air an àmhainn gaoithe aig teas 140C.
Ann am bobhla mòr buail ri chèile an t-siùcar, an t-ìm agus an t-siorap feuch ach am fàs iad aotram is mìn.
Cuir ris am flùr agus cuir mun cuairt.
Measgaich a-staigh an teòclaid agus an rus bhrisge le do dhà làimh gus an tig e ri chèile mar bhall.
Brist an taois ann am pìosan beaga. Dèan cumadh ball leotha air meud ball goilf. Cuir an uair sin sìos iad air treadha a th’ air a shuathadh le ìm neo ola.
Tha an treadha a’ dol dhan àmhainn airson 15 mionaidean.
Nuair a tha iad òr is bruich leig leotha fuarachadh mionaid bheag mus cuir thu air treadha uèir iad.
Dall a-nist ort. Ach thoir an aire – tha e gu math furasta tòrr dhiubh seo ithe gun fhiosta dhut.
