Trufail S霉bh-l脿ir
Nì seo 15
250g deagh teòclaid gheal air a ghearradh beag
70g ìm bog gun salann
3 spàin-bhùird uachdar dùbailte
30g pùdar sùibh-làir
4 spàin-bhùird siùcar còmhdaich
Tha iad seo sgoinneil agus rud beag neo-àbhaisteach seach trufail teòclaid dhorcha.
Tòisich le bhith teasachadh an t-uachdar. Chan eil thu idir ag iarraidh gun goil e. Bheir far an teas e cho luath ‘s theannas e ri plubadaich.
Tha an t-ìm a’ dol ann agus thathar ga chuir mun cuairt gus an leagh e staigh dhan teòclaid.
Nis, am pùdar dathte sùibh-làir agus measgaich a-rithist.
Leagh an teòclaid ann am bobhla os cionn pana le uisge goileach. Tha am measgachadh eile a nuair sin a’ dol a-staigh dhan teòclaid agus feumar a chur mun cuairt gu math.
Cuir seo dhan fhuaradair airson 2 uair a thìde co-dhiù.
Nuair a tha e cruaidh gu leòr bheir an stuth às a’ bhobhla le spàin-tì, ga rolaigeadh ann am buill bheaga le do làmhan, is gan crathadh ann an siùcar-pùdair.
Abair blas agus abair dath brèagha dearg!
