|
Dengys yr astudiaeth fod galw am ofod ar gyfer swyddfeydd a gweithdai yng ngogledd Ceredigion. Mae'r Cyngor yn awr am gynnwys gweddill y gymuned yn y broses o benderfynu a ddylid darparu unedau addas yn y pentref ac os felly sut y dylid gwneud hynny. Ychydig flynyddoedd yn 么l prynwyd adeilad gwag yn Nhalybont gan grwp o drigolion. Y bwriad oedd ei addasu ar gyfer pobl leol oedd yn awyddus i sefydlu busnesau. Aeth y Cynllun i'r gwellt, ond yn sgil pryderon presennol ynghylch codi tai mae'r syniad wedi ailgodi. Mae Cynghorwyr yn awyddus i greu cyfleoedd gwaith yn y pentref er mwyn cydbwyso unrhyw ehangu a all ddigwydd. Maent yn gwybod fod cael lleoliad addas am rent rhesymol yn bwysig iawn i bobl 芒 chanddynt syniad busnes ac yn y gorffennol mae rhai pobl wedi gorfod gadael y pentref. Gallai Tal-y-bont ffurfio menter gymunedol i ddarparu gweithdai a swyddfeydd, un ai trwy addasu adeilad neu adeiladu o'r newydd. Gyda nawdd ariannol gan Awdurdod Datblygu Cymru bu i ecodyfi (Partneriaeth Eco Dyffryn Dyfi) gyflogi ymgynghorwyr i hwyluso'r broses. Mae'r ffordd mae'r prosiect yn cynnwys y gymuned yn y broses o greu swyddi cynaliadwy yn gweddu'n dda ag amcanion ecodyfi. Partneriaeth Egin o Gaernarfon ywr ymgynghorwyr. Bu iddynt holi busnesau presennol ynghylch eu hanghenion datblygu, edrych am bobl 芒 chanddynt diddordeb mewn cychwyn busnesau ac arweinwyr cymunedol. Bu i Egin ganfod fod rhai busnesau presennol yn awyddus i ehangu ac y byddai rhai yn ystyried symud i Dal-y-bont er mwyn gwneud hynny. Byddai rhaid i weithdai fod o fewn cyrraedd rhwydd i'r A487 felly gwell fyddai cael lleoliad ar gyrion y pentref. Byddai rhaid i swyddfeydd fod o safon uchel, a gorau oll pe baent yn cydymffurfio 芒 safonau ecolegol a byddai rhaid i unrhyw fusnes sy'n gobeithio denu twristiaid neu ymwelwyr wrth gyfleusterau parcio digonol. Mae dau nod i ran nesaf y gwaith. Y cyntaf yw darganfod a oes yna bobl leol a fyddai'n awyddus i gychwyn busnes pe bai lleoliad addas ar gael. Yr ail yw canfod pa mor awyddus yw'r gymuned i weld y math hwn o ddatblygiad yn Nhalybont. Gyda hyn mewn golwg bydd digwyddiad cyhoeddus yn cael ei gynnal yn Nhal-y-bont ar ddydd Llun 29 Medi, lle gall pobl gwrdd 芒 chynghorwyr busnes, y trefnwyr a'r ymgynghorwyr yn ogystal 芒 chael golwg ar syniadau cychwynnol ynghylch sut y byddai'r datblygiad yn edrych. Gwahoddir pobl hefyd i gysylltu ag ecodyfi ar 01654 703965. Gwybodaeth bellach:
Andy Rowland, Rheolwr, Ecodyfi, ff么n: 01654 703965Y Cynghorydd Ellen ap Gwynn 01970 832551Y Cynghorydd Harry James 01970 624688Gwilym Euros, Partneriaeth Egin 01286 677027 neu 07768 025630
 |
听
