成人快手

Trydargerdd (sef cerdd gaeth neu rydd sydd, fel un o negeseuon Twitter, heb fod dros 140 o nodau cyfrifiadurol): Neges yn Tawelu Ofnau

Wrth hwylio ffwrdd o Ewrop

ar fwrdd Britannia wych

mor braf bod babi newydd

yn nwylo saff sawl brych

Ifan Bryn Du- Criw'r Llew Coch (8.5 pwynt)

Dwi di neidio’r bunji

Dwi di llyncu bydgi

Elastigeiddiais

Regurgiteiddiais,

Dwi ddim yn llawn!

#Dwi’n iawn.

Erin Prysor - Ysgol y Berwyn ( 8 pwynt)

Cwpled caeth yn cynnwys y gair ‘llaith’

Basra

Anial, er ffrwythlon unwaith

Yw’r ardd llwm, lle ‘roedd pridd llaith.

Gwion Aeron - Criw'r Llew Coch ( 8.5 pwynt)

Ar ruddiau llaith yr oedd llaw

Yn estyn cysur distaw.

Arwel Emlyn - Ysgol y Berwyn . (8.5 pwynt)

Limrig yn cynnwys y llinell ‘I Rufain yr af unwaith eto’

Mi geisiais i gan-gwaith fynd yno

Mewn cwch a chan诺, hyd ‘n oed nofio

I Enlli’n yr haf

Lle mae hi mor braf –

I Rufain yr af unwaith eto

Mair Tomos Ifans - Criw'r Llew Coch (8 pwynt).

I Rufain yr af unwaith eto

Nid i opera fawr Rhigoletto

Na chwaith i roi clod

I Cesar bo’r nôd

Ond am fy mod eisiau Cornetto.

Erin Prysor - Ysgol y Berwyn (8.5 pwynt).

Cerdd ar fesur yr englyn milwr (rhwng 9 a 15 llinell): Capten

A fynnai wefr hafau ‘n葟l,

(hafau heb Ewrop blwyfol)

Ar areithiau’r wraig rhithiol

Tegwyn Pughe Jones - Criw'r Llew Coch (9 pwynt).

Heb unrhyw lyw ond rhyw li’,

Heb orwel ond yr heli;

Heb y lan a’i thrwbwl hi.

Arwel Emlyn - Ysgol y Berwyn ( 9 pwynt).

Pennill ymson wrth ddarllen prospectws ysgol

Nid af i'r ysgol fory a'm llyfr yn fy llaw

mi 'gora i fy 'ipad' pan fydd hi'n taro naw;

caf 诺glo llu o bynciau diddorol iawn i mi

cyn cau fy 'ipad' annwyl pan fydd hi'n taro tri.

Rhiain Bebb - Criw'r Llew Coch (8.5 pwynt)

Yn ddalennau rhwng cloriau glân gloyw

Mae rhestrau o bynciau di-ri

I'w hastudio yma'n yr ysgol

Cyn mynd mlaen i wneud dim neu ddegree;

Un pwnc sy'n arloesol a newydd

Bydd cynnydd disgyblion yn fawr

Dwy flynedd, tair gwers yn wythnosol:

TGAU 'Byw heb y ffôn am un awr'.

Delyth Humphries Ysgol y Berwyn (8.5 pwynt)

Cân ysgafn (heb fod dros 20 o linellau a heb fod yn soned): Tamaid i Aros Pryd

糯 ! Melfyn, melon mawr melyn, un oer a dim llawer o dâst,

Un gwelw a thwll yn ei galon, un crwn a dim sôn am wast.

Yr hen Ifan Avocado, un gwyrdd ac un iach iawn dros ben,

Ond meddal, hawdd iawn ei gleisio a’i galon yn garreg o bren.

Prys Proctor Parker, prawn cocktail, un moethus, ond lot fawr o saws,

Ac roedd ei brôns yn rhai bychan; gor-gimwch bach ffyslyd ei naws.

Eifion yr eog ‘di fygu yn drewi a blasu o smôcs,

Cydweddu yn berffaith ‘fo ‘Chablis’ neu weithiau bicardis a chôcs.

Pete y paté llysieuol, llawn sbigoglys a garlleg a chnau,

Siaced go grystiog amdano a honno rhyw ‘chydig rhy frau,

A Claude y cawl nionyn Ffrengig, winiwns mewn mymryn o stoc

Os na cha’ i rwbath sylweddol mi fydda’i ‘di clemio toc.

Ac o’r diwedd – Haleliwia! Stecan fawr ! Y gorau’n y tir!

Lwmpyn o rwmpyn mawr cadarn, ‘rare’, jiwisi, ‘di hongian yn hir.

‘R ôl stêc, does dim lle i bwdin, ac wfft i’r dechreufwyd i gyd,

Nid ydech ddim oll ond tapas, tameideidiau bach i aros pryd.

Mair Tomos Ifans - Criw'r Llew Coch (9 pwynt)

Er cael ein synnu’n ddyddiol gan Donald erbyn hyn

Ni wyddwn am ei raglen ‘Y cogydd o’r Ty Gwyn.

Mae yno yn y gegin a wiwer goch fel gwallt

A dawn arbennig ganddo i wneud pob dim yn hallt.

Mae’r staff i gyd yn barod ‘oll yn eu gynnau gwyn’

Does neb o gefndir ethnig ac nid oes merch fan hyn.

Mae’r arlwy’n cael ei drafod ond ei ddewis ganddo fo,

Pob dim yn ddemocrataidd, ei ddemocratiaeth o.

Ac os bydd anghytuno ynglyn a gwneud rhyw bryd,

Mi fydd y cogydd hwnnw allan ar y stryd.

Ni ddaw yr un cynhwysyn o wledydd pell y byd,

America yn gyntaf, America o hyd.

Dim bwydydd Mecsicanaidd, fe’u rhwystrir gan y wal

Na chwaith dim byd Tseiniaidd nag unrhyw beth hal-al.

Daw’r gwartheg o Virginia a’r wyn o Tecsas wir,

Y blawd o Galiffornia a’I herwau euraid hir.

Ond mae na amb ell bwdin sydd wir yn blasu’n dda

Yn cynnwys anrheg Vladmir sef chydig o vod-ca.

Rol blasu ambell damaid fe wn pan ddaw llawn bryd

Gan Donald John y cogydd, camdreuliad gaiff y byd.

Huw Dylan - Ysgol y Berwyn (9 pwynt)

Ateb llinell ar y pryd

Mae haid o wylliaid yn well

wedi'u dofi mewn stafell.

Criw'r Llew Coch (0.5 pwynt).

Telyneg mewn mydr ac odl (heb fod dros 18 llinell): Côr

Arogl biswail llond y beudy

A’r tarw du sy’n cnoi ei gil,

Heffrod blwydd yn llyfu’i gweflau

A’r pryfed dom yn cylchu’n chwil.

Gwelais bry dan loer Mehefin,

Un du a gwyn ymysg yr 欧d;

Gadael iddo grwydro’r cyfan,

A minnau’n fodlon – gwyn fy myd.

Eira’n lluwchio dros y buarth

A “thraed y meirw’n chwythu’n frwd.

Eto glân yw llawr y biswail.

Y côr yn wag a’r aerwy’n rhwd.

Tegwyn Pughe Jones - Criw'r Llew Coch (9.5 pwynt)

Dim ond g诺r yn codi’r baton

hogiau’n canu nerth eu calon,

Pob un nodyn yn ei le,

Rhes o filwyr o’r chwith i’r dde

Wedyn camu’n ddigyfeiliant

I guriadau bît y peiriant

I gaeau Fflandrys, Mametz neu Y Som

Esgidiau hoelion gwn a bom

Ond lle bu cân yr hogiau ifanc

Nid oes nodyn yn cael dianc.

Dawel Nos, ffarwel pob ffrind,

Pob un nodyn wedi mynd

A lle bu canu nerth eu calon

Dim ond g诺r yn cadw’r baton.

*Roedd sôn yn ddiweddar am gôr gyda phob aselod wedi marw yn y Rhyfel mawr. Ond am yr arweinydd.

Delyth Humphries - Ysgol y Berwyn (9 pwynt).

Englyn yn cynnwys y gair ‘dinas’

Palu maent ger palmentydd y ddinas,

Oedd unwaith mor ‘sblennydd,

Drwy ludw yr aelwydydd

Yn un rheng i’w tynnu’n rhydd.

Gwerfyl Price - Criw'r Llew Coch (9 pwynt)

Ein denu mae g诺e dinas – hen bryfaid

arbrofol cymdeithas

ei phry cop â’i gyffyur cas

daflodd gaethiwed diflas.

Arwel Emlyn - Ysgol y Berwyn (9 pwynt)

Enillwyr Criw'r Llew Coch.