Tim Gynnau Mawr Deugain a Mwy v Tim Dan 40 oed - Talwrn Arbennig Dathlu penblwydd Radio Cymru yn 40 oed.
Talwrn Arbennig yn dathlu penblwydd Radio Cymru yn 40 oed
Trydargerdd (sef cerdd gaeth neu rydd sydd, fel un o negeseuon Twitter, heb fod dros 140 o nodau cyfrifiadurol): Hysbyseb ar gyfer G诺yl Gwrw
Gwnewch Myrddin ap yn hapus a thynnwch o’i Seithenyn melys a’i Houdini daionus - cadw bardd yw codi bys.
Llion Jones - 9 pwynt
#hwyl #chwil #rwdlan
G诺yl Gwrw fel Chwyrligwgan
#blas #êl #mwydro
Byddwch yn si诺r o fynd adra rhywdro.
Anni Ll欧n - 8.5 pwynt
Cwpled caeth yn cynnwys y gair 銉籺欧
Mae diwedd Hedd, mae'r gwaed hallt
yn ei d欧'n dal i dywallt.
Myrddin ap Dafydd - 9.5 pwynt
Dywylla ’di hi allan
ac oera’r t欧, gorau’r tân.
Iestyn Tyne - 9.5 pwynt
Limrig yn cynnwys y llinell ‘Mi es i i’r ocsiwn nos Wener’
Mi es i i’r ocsiwn nos Wener
I geisio cael prynu odliadur
Ond aeth yn rhy ddrud
I ffarmwr fel fi.
O wel, fel’na ma’i.
Arwyn Groe - 9 pwynt
Mi es i i'r ocsiwn nos Wener
yn brydlon a balch, 'nol fy arfer.
Roedd yn ddigon di-nod,
neb fawr wedi dod.
Roedd yr ocsiwn ’di bod ers nos Fercher.
Anni Ll欧n - 8.5 pwynt
Cywydd ysgafn (rhwng 12 a 18 llinell): Heneiddio
Mae fy mab yn llym fy mod
yn hen, boring yn barod;
yr wyf yn femrwn bryfyn
canoloesol, a di-lun
eto fyth â'r Smart T.V.
(Rhy od i'w danio'r ydwi,
idiot rimôt, cloff fy modd –
sigais pan luosogodd
yr un go hawdd i'w drin gynt:
trannoeth roedd tri ohonynt!)
Wyf ap di-App (ond hapus),
testun chwerthin crin mewn crys
sgwariau a chroesau gwirion;
SatNav afleraf y lôn.
O ddyn sydd yn ddeinosôr
i'r oes ffislyd ei thrysor,
yr wyf yn dal i brofi
hen win hoff fy ngwinllan i.
Myrddin ap Dafydd - 9 pwynt
Dridiau cyn fy mhen-blwydd ar 1 Ebrill eleni, ganwyd Lwsi Iorwerth, fy nith
Trwy fywyd, dod rhy fuan
wnaeth diwedd Mawrth: dyddiau mân
bryder bod amser yn dwyn
gennyf dan gwmwl gwanwyn.
A llwydwyll Ebrill wedyn,
bloeddio wnâi hwn: “blwydd yn h欧n!”
Ond hen nid es eleni.
Dario ni wnes f’oedran i.
Os heneiddiais ni wyddwn;
yn y crud, yng ngwrido crwn
dy wyneb, y byd yno
a’r oesau i gyd aeth dros go’.
Yr haul wedi gwneud ei ran
yn hapus; tithau’n hepian
yn wawr dyner, a dyna
pam fydd inni dywydd da
yma mwy, a Mawrth i mi
bellach yn lasach, Lwsi.
Rhys Iorwerth - 9.5 pwynt
Triban beddargraff unrhyw gyflwynydd radio
Tommo
Mae’r byd yn ddistaw heno
Mae heddwch yma eto
Llonyddwch ddaeth i’n clustiau’n syth -
Am byth, tawelwyd Tommo.
Caryl Parry Jones - 8.5 pwynt
Fe’i trawyd, do, gan angau
wrth ddarllen y penawdau,
ond Dewi Llwyd aeth ’mlaen heb frys
na thorri chwys am oriau.
Gwyneth Glyn - 9 pwynt
Parodi ar ‘Chwarae’n troi’n Chwerw’ (Caryl Parry Jones)
Roedd fy mywyd i yn ddedwydd
Ro’n i’n fodlon ar fy myd
Nes i mi droi yn hanner cant
A daeth y chênj a’i lol i gyd.
Aeth popeth oedd am ‘i fyny
Yn raddol ar i lawr
A dwi ‘di canslo’r central heating
Chos ma’r flushes yn fy nhwymo nawr...
Cytgan 1
Ac mae’r chwant yn troi’n chwyrnu
A銉籸 g诺r yn troi銉籭 drwyn,
Y thong yn troi’n staes ac
Mae’r "Phwoarr" yn troi銉籲 g诺yn,
Ac os wyt ti’n rhywle yn gwrando ar fy nghân
Cofia bod chwant yn troi’n chwyrnu
Mewn flushes o dân.
Ac yna bob yn dipyn
Fe ddaeth pob pwys ynghyd
A’r pen ôl oedd mor fach a thwt
Nawr yn edrych fel y Best of Breed.
Daeth Tim Rhys Evans ata i
A gofyn yn jocôs
I mi ddechrau côr i rai fel fi
O’r enw Only Menopause...
Cytgan 2
Ac mae’r chwant yn troi’n chwyrnu
Y corff ma’n troi’n gur
Y blew’n tyfu’n bobman
Yn wyn ac yn hir
Ac os wyt ti’n rhywle yn gwrando ar fy nghân
Cofio bod chwant yn troi’n chwyrnu
Mewn flushes o dân.
Caryl Parry Jones - 10 pwynt
Rwyt ti’n ddisgibl bach disglair
Rwyt ti'n gneud dy waith heb straen
Ac mae'r A serenog uwch dy ben
Yn goleuo'r lôn o'th flaen.
Ti'n syrthio i Sgwad Sgwennu -
Gen ti ddawn a chlust a chwaeth,
Ond cyn ti droi rownd
Rwyt ti'n hollol sownd
Ac ma'r rhydd 'di mynd yn gaeth…
Ac mae llên yn troi'n llanast
Mae'r ias yn troi'n rwtsh
Mae'r sbri'n troi'n ystrydeb
A'r swyn yn troi'n slwtsh.
Ac os wyt ti'n ysu
I fod y prifardd ‘fenga 'rioed,
Cofia bod llên yn troi'n llanast
Pan ti'n troi'n ddeugain oed.
Ac yna bob yn dipyn
Mae'r gwobrau'n dod yn fflyd;
Ti'n cipio coron Mistar Urdd
A'i gadair yr un pryd.
Mai'n dod yn haws gneud englyn
Sy'n sôn am Dewi Sant
Ac yn sydyn iawn
Ma dy ddyddiadur yn llawn
Achos chdi 'di Bardd y Plant!
Ac mae llên yn troi'n llanast
Mae'r ias yn troi'n rwtsh
Mae'r sbri'n troi'n ystrydeb
A'r swyn yn troi'n slwtsh.
Ac os wyt ti'n ysu
I fod y prifardd ‘fenga 'rioed,
Cofia bod llên yn troi'n llanast
Pan ti'n troi'n ddeugain oed.
Mae'th gywydd yn rhy fyr;
Telyneg di'r peth i neud.
Ti'n ymladd â'th odliadur
Ond does gen ti ddim byd gwerth 'i ddeud.
Ti'n trio troi at ryddiaeth
Gen ti nofel yn dy ben
A chyfrol o lên meicro
fyddai’n deilwng o’r wisg wen.
Ti’n cofrestru yn Nh欧 Newydd
Rwyt ti'n talu'r ffi heb grant.
Ond mae pawb ar y cwrs
O dan ddeunaw wrth gwrs
A ti'n teimlo fel hen gant.
Ac mae llên yn troi'n llanast
Mae'r ias yn troi'n rwtsh
Mae'r sbri'n troi'n ystrydeb
A'r swyn yn troi'n slwtsh.
Ac os wyt ti'n ysu
I fod y prifardd ‘fenga 'rioed,
Cofia bod llên yn troi'n llanast
Pan ti'n troi'n ddeugain oed.
Ac mae llên yn troi'n llanast
Mae'r ias yn troi'n rwtsh
Mae'r sbri'n troi'n ystrydeb
A'r swyn yn troi'n slwtsh.
Ac os wyt ti'n digwydd
bod y prifardd hyna’ 'rioed,
Cofia cei fod yn Archdderwydd
tan ti’n gant a dwy oed.
Cofia cei fod yn Archdderwydd
tan ti’n gant a dwy oed.
Gwyneth Glyn - 10 pwynt
Ateb llinell ar y pryd
Mewn pabell yn Nogellau
Fe garwn pan oeddwn iau
0.5 pwynt
Cerdd (mewn mydr ac odl, rhwng 8 a 18 llinell): Anialwch
Mewn estron far, hen siarad
Am ddiawl o ymddeoliad
Mewn anial em yn y wlad...
T欧 haf a blodau銉籲 tyfu
Yn yr ardd a’r garddwr hy
Yn ei chanol yn chwynnu.
Gwerddon heb hwiangerddi,
Gwerddon llawn d诺r mohoni,
Gwerddon hesb yn ein gardd ni.
Aelwydydd di ffagl ydynt,
Aeth eu heniaith ohonynt
A’r hogiau iau efo’r gwynt.
I wawr o dân hwyr y dydd
Y galwyd hen fugeilydd
Erwau anial Meirionnydd.
Mae’r gaea’n ei chwibaon
Yn alwad taer drwy’r wlad hon
Am aberth gan y meibion.
Arwyn Groe - 9 pwynt
Nid yw anialwch yn dibynnu ar lwch
na glaw, na gwynt, nac eira’n drwch;
Nid yw ôl traed camelod yn y tywod cras
nac esgyrn yr adar yn y crinwellt bras
na milltiroedd maith heb yr undyn byw,
yn gwneud anialwch – hynny yw;
Mae anialwch yn rhywle yn y stafell hon,
yn cuddio ymhob un ohonom, bron;
yn yr hanner cof rhwng hen drawiadau,
neu ddagrau ffrind, neu yn seiadau’r
un-sedd-wag, a hiraeth ddiwedd dydd;
anialwch sydd yn llawn o’r hyn na fydd.
Iestyn Tyne - 9.5 pwynt
Englyn ar y pryd
I'r Sesiwn Fawr yn 25 oed.
Alaw deg ei wiol din sy'n aros
yn arian, gan godi'n
w欧l wyllt pan fydd mandolin
ar y sgwâr yng ngwres gwerin.
Llion Jones - 9.5 pwynt
Y Sesiwn Fawr yn 25 oed
Hafau'n h欧n yw afon Wnion na'r w欧l,
ond mae'r holl alawon
yn dal i roi egnion
i'w thaith hi, drwy ddawns ei thon.
9.5 pwynt
Enillwyr: Cyfartal.
