Lluniau o 糯yl Macs 2006
Dros 20 o fandiau yn chwarae mewn sied ddefaid am dros ddeuddeg awr, gyda sied ddawns a phabell i 'ymlacio' yn rhan o'r fargen...a'r cyfan oll am 拢15 gan gynnwys parcio a gwersylla. Gwych!
Band lleol o Gaerfyrddin agorodd yr 诺yl, ac yn amlwg mae gan Tangwystl llawer o ddilynwyr selog! Chwareuon nhw set dda iawn, gan gynnwys un o fy hoff ganeuon i; Saith Pechod Marwol, a'r g芒n hynod 'catchy' Mabli i orffen y set. Trueni eu bod nhw ond yn cael chwarae am chwarter awr ac eu bod nhw ymlaen mor gynnar yn y dydd!
Clywais i rai pobl yn cwyno am cyn lleied o amser oedd y bandiau yn cael ar y llwyfan, ond dwi'n meddwl fod y trefnwyr wedi gwneud y peth cywir yn cael lot fawr o fandiau gwahanol i chwarae er gwaetha'r ffaith bod hyn yn golygu nad oeddent yn cael cymaint o amser i chwarae. Gan fod cynifer o fandiau yn chwarae yn ystod y dydd, roedd amrywiaeth eang o gerddoriaeth a siawns i blesio pawb!
Roedd pobl yn y gynulleidfa o bob man - a dau wedi dod yr holl ffordd o Norwy! Er bod yr 诺yl yn dechrau am 12, roedd digon o bobl yno o'r cychwyn ac roedd y lleoliad yn wych; er eu bod hi 'di bwrw glaw trwy'r dydd, doedd dim ots gan fod y cyfan dan do.
Yr uchafbwyntiau i mi yn bersonol yn ystod y dydd oedd setiau Supergene, Mattoidz, Texas Radio Band, Radio Luxembourg (oedd yn hollol wych), Hot Puppies ac Euros Childs. Roedd set Euros Childs yn fythgofiadwy, a'r gynulleidfa yn mynd yn nyts. Fe fwynheuais set The Crimea yn fawr hefyd, yn enwedig pan ddaeth y prif leisydd mewn i'r gynulleidfa i ganu un o'r caneuon!
Ond dwi'n meddwl mai uchafbwynt y dydd i mi oedd set Killa Kela. Doeddwn i heb weld yr 'human beatbox' yma o'r blaen, ac on i'n meddwl bod e'n hollol wych. Aeth y gynulleidfa yn wyllt, a dyma pryd oedd y sied yn fwyaf llawn. Ewch i weld Killa Kela yn fyw; mae'n brofiad!
Roedd set Nicky Wire yn siomedig - er doeddwn i ddim yn disgwyl llawer i fod yn onest. Roeddwn i'n teimlo ei fod ymlaen mor hwyr yn y nos oherwydd pwy yw e yn hytrach na safon ei gerddoriaeth. Ond chware teg i'r rhai oedd wedi aros ar flaen y gynulleidfa o flaen y llwyfan ers i'r gatiau agor yn y bore i weld Nicky Wire; parch yn wir!
The Automatic oedd yn gorffen y noson, ac er nad ydw i'n ffan mawr ohonyn nhw, naethon nhw fy siomi ar yr ochr orau a nes i wir fwynhau eu set. Band da iawn, a ffordd dda o orffen y noson er doedd hi ddim yn llawn iawn yno erbyn hynny.
Felly llwyddiant mawr oedd G诺yl Macs; pawb i'w gweld wedi mwynhau. Efallai mod i'n mynd i swnio fel hen fenyw nawr, ond dwi'n meddwl ei bod hi'n werth ystyried cael rhyw fan lle all pobl eistedd lawr y flwyddyn nesa; ar bwys y bar er enghraifft. Roedd hi'n ddiwrnod hir, a llawr y sied yn oer!
Hefyd, roedd angen posteri o gwmpas y lle gyda amserau'r bandiau arnynt, doedd gan y rhan fwyaf o bobl ddim syniad beth oedd yn mynd ymlaen. Ond pethau bach yw rhain; a pethau y gellir eu gwella erbyn y flwyddyn nesa. Dwi'n edrych ymlaen yn fawr i weld yr 诺yl yma yn datblygu yn ddigwyddiad pwysig iawn i'r calendr gerddorol flynyddol - a llongyfarchiadau i'r trefnwyr.
Gan: Lowri Johnston
听
