���˿���

Os oes angen gwisgoedd o ddiwylliant arall ar ddrama, mae’n hanfodol eu bod yn cael eu gwneud yn iawn. Ym mhob gwlad yn y byd rydyn ni’n derbyn bod ein dillad ni ein hunain yn naturiol ac rydyn ni’n edrych yn fwy beirniadol ar ddillad cenhedloedd eraill. Os byddi di am bortreadu geisha o Japan er enghraifft, rhaid i ti dalu sylw i’r manylion, ac os byddi di’n gwneud sylw ar wisg o’r fath, dylet ti ystyried a oedd yn argyhoeddi a beth oedd yn ei hychwanegu at y rôl.

Mewn geiriau eraill, dylai fod yn bortread gwir. Cofia hefyd fod colur yn allweddol i’r modd y mae cynulleidfa’n ‘darllen’ ac yn adnabod cymeriad. Enghraifft amlwg fyddai’r clown yn y cynhyrchiad Pridd gan y Theatr Genedlaethol. Darllena Cyfrwng drama i ddysgu mwy.

Gwisgoedd cyfnod

Mae’r term gwisgoedd cyfnod yn cyfeirio at wisgoedd mewn cyfnod penodol. Yn gyffredinol mae disgwyliadau llawer mwy penodol gyda chymeriadau cyfoethog o gymharu â rhai tlawd neu’r werin. Enghreifftiau o hyn ydy dwbled a chylchbais o oes y Tuduriaid ��’r crinolin o gyfnod Fictoria. Byddai dynion yng nghyfnod y Rhaglywiaeth, fel y’u portreadwyd yng ngwaith yr awdur Jane Austen, yn gwisgo cotiau cynffon a llodrau. Byddai gan fenywod y cyfnod amryw o wisgoedd ar gyfer gwahanol achlysuron, ee ‘gŵn ymweld’ a ‘ffrogiau cerbyd’.