���˿���

Gall gwisg fod yn ddi-liw a diflas mewn drama gyfnod oherwydd cyfyngiadau’r deddfau cyfyngu, neu ar y llaw arall gall fod yn llachar iawn. Gallai hyn fod oherwydd awydd i ddangos cymeriad sy’n amlwg yn uchelwr cyfoethog. Mewn sefyllfa gyfoes gall gwisg fod yn llachar oherwydd bod y cymeriad yn hapus, yn wahanol i gymeriadau eraill yn y ddrama.

Gall cymeriad fod yn gwisgo dillad gwyn er mwyn ymddangos yn ddiniwed neu rinweddol neu i wneud i’r cymeriad sefyll allan yn erbyn y cynllun cyffredinol. Yn nodweddiadol gallai hyn ddigwydd mewn melodrama o oes Fictoria.

Gallai fod cyfres gymhleth o gysylltiadau trosiadol ar gyfer y gwahanol ddillad mewn cynhyrchiad. Mae’n deg dweud os byddi di’n sylwi ar y ffordd mae lliw yn cael ei ddefnyddio mewn gwisg y bydd rhywbeth gwerth ei ddweud amdano. Mae gwisg y clown yng nghynhyrchiad Theatr Genedlaethol Cymru, Pridd, yn rhy liwgar a llachar ac o ganlyniad mae’n anesmwytho’r llygad. Mae hyn yn awgrymu ei fod yn gymeriad annymunol y dylid ei osgoi, a dyna ydy gwirionedd y sefyllfa.