³ÉÈË¿ìÊÖ

Mae iaith y corff yn datgelu llawer am beth mae person yn ei feddwl mewn gwirionedd. Felly mae cyfathrebu dieiriau megis mynegiant yr wyneb, ystumiau a symudiad yn arfau pwerus i'r actor eu defnyddio.

Mae dewis y gwisgoedd cywir ar gyfer cymeriadau yn hollbwysig mewn dramâu cyfnod a rhai modern. Dylen nhw fod yn addas i gyfnod a diwylliant y ddrama ac i statws y cymeriadau.

Mae mynegiant yr wyneb yn gallu dweud llawer wrthon ni am gymeriadau, sefyllfaoedd ac is-destun. Mae'n bwysig dy fod yn dysgu beth maen nhw'n ei ddatgelu am emosiynau a hwyliau, a sut i'w defnyddio.

Mae'r llais yn arf pwerus mewn drama. Wrth ddisgrifio gwaith llais, ystyria elfennau megis traw, cyflymder a thonyddiaeth. Dylai cymeriadau ddefnyddio cywair iaith sy'n addas iddyn nhw bob tro.

Byd y ddrama ydy'r cyd-destun diwyllianol a hanesyddol, yn ogystal â sefyllfa a pherthnasoedd y cymeriadau. Gallwn ni ailddehongli hen ddramâu gan newid eu cyfnod a'u lleoliad.

Os byddi di’n ysgrifennu adolygiad neu werthusiad dydy ystyried yr actio a’r perfformio yn unig ddim yn ddigon. Rhaid talu sylw i’r set, gwisgoedd, golau a sain, gan gyfiawnhau dy farn bob tro.