���˿���

Mae dosbarthiad organebau i lawr i lefel rhywogaeth yn dilyn trefn benodol:

1. Teyrnas
2. Ffylwm
3. Dosbarth
4. Urdd
5. Teulu
6. Genws
7. Rhywogaeth

Bydd y system finomaidd yn defnyddio genws a rhywogaeth yr organeb i greu ei henw. Mae hyn yn osgoi'r dryswch sy'n gallu digwydd drwy ddefnyddio enwau cyffredin sy'n wahanol o ardal i ardal. Mae gwyddonwyr yn gwybod bod y system finomaidd yn gyffredinol a rhoddir enwau Lladin i organebau.

Dosbarthiad teigr

Mae’r tabl yn dangos dosbarthiad teigr.

Felly, dosbarthiad binomaidd y teigr yw Panthera tigris. Enw'r genws sy'n dod gyntaf, ac weithiau gallwn ni ei dalfyrru i'r llythyren gyntaf yn unig (P. tigris) sy'n briflythyren bob amser. Enw'r rhywogaeth yw'r ail air ac mae'n dechrau â llythyren fach. Rydyn ni'n ysgrifennu'r enw cyfan mewn teip italig.

Mae perthynas agos rhwng organebau o rywogaethau gwahanol ond sy'n rhannu enw genws, ee dosbarthiad binomaidd llew yw Panthera leo. Er mwyn i organebau berthyn i'r un rhywogaeth, mae'n rhaid i enw'r genws ac enw'r rhywogaeth fod yr un fath.