���˿���

Mae gwaith mwgwd a symudiadau’n elfennau allweddol mewn commedia dell’arte sef traddodiad comedi Eidalaidd oedd yn boblogaidd yn ystod y Dadeni. Roedden nhw’n defnyddio nifer o gymeriadau stoc, ee Pantalone a’r gwas Arlecchino o’r ddrama Eidaleg Il servitore di due padroni (Gwas Dau Feistr yn Gymraeg) gan Carlo Goldoni.

Mae perthynas Basil Fawlty a Manuel yng nghyfres gomedi Fawlty Towers y ���˿���, yn adleisio perthynas y meistr a'r gwas yn y commedia dell’arte. Roedd y plot yn blatfform ar gyfer nifer o olygfeydd gomedi a elwir yn lazzi. Roedd y rhain wedi eu seilio ar arferion personol cymeriad neu ryngweithio rhwng y cymeriadau. Byddai'r rhain yn gyfarwydd i'r gynulleidfa ac yn rhywbeth roedd aelodau’r gynulleidfa’n disgwyl eu gweld yn y perfformiad. Roedd y lazzi yn dibynnu'n bennaf ar symudiad, ee Arlecchino yn dal a bwyta pryfyn mewn ffordd arddulliedig, esgus bod yn gerflun fel ffordd o guddio, neu gael ei guro ar ei ben gan y meistr.

Mae’r clip Saesneg hwn o’r National Theatre yn gyflwyniad defnyddiol i fyd commedia dell’arte ac yn dangos y symudiadau corfforol sydd wedi eu gorwneud sydd eu hangen gan y perfformwyr. Mae is-deitlau ar gael.