|
Fe barhaodd hyd y diwedd yng nghanu rhai megis Meibion Menlli, C么r Telyn Teilo a Meibion Llafar; mae'n bodoli o hyd yng nghanu C么r Meibion Llangwm, C么r Seiriol, Corau Meibion Treorci a'r Rhos, i enwi ond ychydig; ac mae'n cael ei eni o'r newydd yng nghanu rhai megis Meibion Llywarch a Bois y Castel! Ac yn sicr, mae o yna yng nghanu Hogiau Cut Lloi. Hen dinc y canu plygain geir gan y rhain, yr hen ganu gwerinaidd soniarus, y gymysgedd lesmeiriol o galedwch bois y tir a mwynder y canolbarth, y canu gwerin go iawn sy'n swnio'n ffwrdd 芒 hi, ond yn ffwrdd 芒 hi bwriadol a than reolaeth, dan reolaeth yr hudoles hir ei gwallt a'i bysedd a'i breichiau. Roedd stamp Si芒n James ar y cyfan, ac er na chanodd ond un pennill ei hun, byddai pawb oedd yno yn y neuadd lawn wedi gallu troi'n Deio bach ar amrantiad i anfon nodyn ati gan mor lesmeiriol dyner ei gwahoddiad i wneud hynny. Ond roedd yna bresenoldeb hefyd. Y presenoldeb amatur, ond nid amaturaidd. Roedd yna lenwi llwyfan llythrennol wrth gwrs gan ddeunaw o ddynion cyhyrog ac arweinyddes a thelyn. Dyw neuadd y Sarnau i gyd ddim yn fawr, yn llai dybiwn i nag un o doiledau canolfan y mileniwm a'r llwyfan ei hun fawr mwy na dwy neu dair sinc yn y cyfryw le. Ond bach neu beidio, yr oedd y llwyfan yn llawn drwy'r amser, hyd yn oed pan nad oedd ond triawd neu ddeuawd neu unigolyn yn canu neu ddiddanu'n llafar. Presenoldeb llond llwyfan, llond neuadd oedd presenoldeb pob un o aelodau Hogiau Cut Lloi. A'r dinc a'r presenoldeb wnaeth y noson hon yn un o'r nosweithiau disglair yn hanes "Hen Goleg Bach y Sarnau."
 |
听
