|
Dafydd Llewelyn Williams, Plas Moelgarnedd, yw Cadeirydd y Gr诺p a fu'n gweithio ar y cynllun ers dros bum mlynedd, ac mae'n tystio iddynt bron a rhoi'r ffidil yn y to fwy nag unwaith, yn bennaf am fod angen argyhoeddi cymaint o gyrff am werth datblygiad o'r fath.
Ar y cychwyn Canolfan yn ymwneud 芒 defaid a ch诺n defaid oedd mewn golwg a bu'n anodd symud ymlaen i'r cyfeiriad yma. Felly lluniwyd prosiect ehangach, prosiect twristiaeth am fywyd cefn gwlad a bywyd gwledig.
Gyda phob prosiect fel hwn mae'n rhaid cael cefnogaeth cynifer o gyrff cyhoeddus a phreifat, pob un yn gallu rhoi mwy na geiriau caredig - yn arbennig arian. Felly aed ati i sicrhau y byddai cyrff fel y Cyngor Sir, y Bwrdd Croeso, a mwy, yn cefnogi ac fe ddaeth hynny a chytundeb am arian Amcan 1. Ers i hynny ddigwydd mae cyrff eraill wedi gofyn am ddod i mewn hefyd - mae pawb yn barod i ddilyn y gwariwrs mawr!
Yn ogystal ag apelio at bobl leol a thwristiaid bydd ysgolion lleol ac adrannau amaethyddol colegau yr ardal yn manteisio ar y darpariaethau. Bydd yna le i droi i mewn am baned ar 么l cerdded yn hamddenol ar hyd y gwastad i gyfeiriad yr hen fatri brwshis ger Sgubor Isa, Rhiwlas. Bydd yno arddangosfeydd parhaol a thymhorol ac mae San Ffagan wedi cael cais i ddarparu'r rheini.
Nodwedd arall o'r lle fydd amffitheatr fach lle gall pobl grynhoi i gael cyngerdd neu wylio pasiant, gwrando ar sgwrs ac ati. Yn naturiol disgwylir y bydd digonedd o gyfeiriadau at hen draddodiadol yr ardal yma ym myd amaeth yn bennaf, ond am ein diwylliant cyffredinol hefyd.
Sut fydd pethau'n symud ymlaen ar hyn o bryd? Gobeithir anfon manylion allan i gael tendrau i wneud y gwaith - mae'r cynlluniau wedi bod yn barod ers tro - cyn diwedd Awst, gyda'r gwaith adeiladu yn cychwyn cyn diwedd 2006. Gallai'r Ganolfan agor yn gynnar yn 2008. Yn lled fuan hefyd bydd hysbysebu am rai o'r 7 o staff llawn amser y bwriedir eu cael i redeg y Ganolfan. Beth amdani?
 |
听
