���˿���

Mae mwgwd yn cuddio rhan o'r wyneb neu'r wyneb cyfan. Dydy'r rhan fwyaf o gynyrchiadau gorllewinol ddim yn defnyddio mygydau y dyddiau hyn ond mae rhai genres o waith yn parhau i wneud hynny. Mewn Theatr Roegaidd byddai'r actorion i gyd yn gwisgo mygydau a oedd wedi eu gor-wneud i bortreadu cymeriad. Roedd y rhain wedi'u gwneud o bren neu ledr ac yn chwyddo'r llais fel bod modd clywed yr actorion yn yr amffitheatrau Groegaidd enfawr. Drama Roegaidd sydd wedi ysbrydoli'r symbol a ddefnyddir yn aml i gynrychioli drama, sef dau fwgwd, gyda'r naill yn dangos trasiedi a'r llall yn dangos comedi.

Gwaith mwgwd y cyfnod modern

Mae rhai cwmnïau theatr modern yn defnyddio mygydau'n rheolaidd. Roedd cynhyrchiad Punchdrunk o The Drowned Man: A Hollywood Fable, yn mynnu bod y gynulleidfa hefyd yn gwisgo mygydau. Mae cwmnïau megis Trestle Theatre Company a Vamos Theatre hefyd yn defnyddio gwaith mwgwd.

Os byddi di’n defnyddio mwgwd wrth berfformio

• rhaid i iaith dy gorff fod yn hynod o glir
• mae angen gor-wneud dy symudiadau a dy ystumiau i ddangos emosiynau
• rhaid i ti ddefnyddio dy gorff cyfan yn y perfformiad

Anawsterau wrth ddefnyddio mygydau

Mae angen bod yn ofalus wrth ddefnyddio mygydau ar y llwyfan gan fod rhaid i'r actor sicrhau bod y mwgwd yn wynebu'r blaen. Os ydy e’n wynebu cefn y llwyfan caiff y rhith ei golli. Hefyd mae angen i'r actor rannu pob ystum yn glir gyda'r gynulleidfa i wneud yn siŵr fod yr ystyr yn amlwg. Rhaid i bob perfformiwr roi a chymryd ffocws, fel bod y gynulleidfa'n gwybod ble i edrych. Mae syllu allan yn uniongyrchol ar y gynulleidfa i rannu ymateb yn cael ei alw'n 'clocio'r gynulleidfa'.