���˿���

Mae cyfeiriannau’n ffordd effeithiol o ddisgrifio cyfeiriad. Mae angen i ti fod yn ymwybodol o rai rheolau sy’n ymwneud â chyfeiriannau er mwyn gallu eu defnyddio’n effeithiol:

• mae cyfeiriannau bob amser yn cael eu mesur yn glocwedd o’r gogledd
• mae tri rhif mewn cyfeiriannau bob amser, ac mae’r rhifau hynny’n disgrifio’r ongl o’r gogledd

I ganfod cyfeiriant B o A:

• rho dy onglydd dros linell y gogledd gyda 0° ar y top
• rho’r ateb fel cyfeiriant tri ffigur

Cyfeiriant B o A yw 135°.

Enghreifftiau

I ddisgrifio’r cyfeiriad hwn:

Bydden ni’n defnyddio cyfeiriant o 125°. Cawn hyn trwy osod yr onglydd fel bod y llinell 0 yn pwyntio tuag at y gogledd ac yna mesur yr ongl o’r gogledd i gyfeiriad y teithio.

Gallwn ddisgrifio’r tri chyfeiriad hyn trwy ddefnyddio’r cyfeiriannau sydd o dan bob un. Sylwa’n arbennig ar y diagram cyntaf – noda fod yr ongl yn 60° ond y cyfeiriant yn 060°.

Mae cyfeiriannau bob amser yn dri ffigur, a phob amser yn cael eu mesur yn glocwedd o’r gogledd.