���˿���

Bydd yr arholiad hwn yn profi dy sgiliau darllen ac ysgrifennu. Yn Adran A bydd rhaid i ti ateb ystod o gwestiynau yn seiliedig ar destunau darllen. Bydd y darnau darllen yn ddarnau Disgrifio, Naratif ac Esbonio.

Yn Adran B fe gei di ddewis o ddau ddarn. Bydd rhaid i ti ysgrifennu un o’r ddau. Gall y dasg fod naill ai’n dasg ddisgrifio, tasg naratif neu dasg esbonio.

Mae’r papur werth 70 o farciau:

• 30 marc ar gyfer y dasg ddarllen
• 40 marc ar gyfer y dasg ysgrifennu
• Bydd un dasg prawf-ddarllen yn canolbwyntio ar ysgrifennu’n gywir yn uned dau yn ogystal

Naratif

Beth yw testun naratif?

• Ailadrodd digwyddiadau yn eu trefn gronolegol.
• Mae darnau naratif yn cael eu hysgrifennu yn y person cyntaf neu’r trydydd person.
• Mae’r testunau yn cynnwys manylion ynghylch pwy, beth, pryd, pam a ble.
• Mae angen i ti ddefnyddio amser gorffennol y ferf.
• Gellir defnyddio sgwrs/deialog.

Mathau o ffurfiau naratif:

• stori fer
• hunangofiant
• cofiant

Cofia feddwl am y canlynol wrth ysgrifennu’n ddisgrifiadol:

• ffurf – ym mha ffurf wyt ti’n ysgrifennu (erthygl, ymson, portread, llythyr, stori, ayyb)?
• cynulleidfa – ar gyfer pwy wyt ti’n ysgrifennu (plant, oedolion, dynion, menywod, ayyb)?
• pwrpas – pam wyt ti’n ysgrifennu (perswadio, dadlau, adrodd hanes, ayyb)?
• arddull – sut wyt ti’n ysgrifennu (ffurfiol, siaradus, difrifol, comig, bratiaith, ayyb)?