���˿���

Bydd yr arholiad hwn yn profi dy sgiliau darllen ac ysgrifennu. Yn uned dau Adran A bydd rhaid i ti ateb ystod o gwestiynau yn seiliedig ar destunau darllen. Bydd y darnau darllen yn ddarnau Disgrifio, Naratif ac Esbonio.

Yn Adran B fe gei di ddewis o ddau ddarn i’w hysgrifennu. Bydd rhaid i ti ysgrifennu un o’r ddau. Gall y dasg fod naill ai’n dasg ddisgrifio, tasg naratif neu dasg esbonio.

Mae’r papur (uned dau) werth 70 o farciau:

• 30 marc ar gyfer y darllen
• 40 marc ar gyfer yr ysgrifennu

Bydd y canllaw hwn yn canolbwyntio ar yr uned ysgrifennu, sef:

• 35 marc am ysgrifennu estynedig
• 20 marc am gyfathrebu a threfn
• 15 marc am ysgrifennu’n gywir

Bydd un dasg brawf-ddarllen yn canolbwyntio ar ysgrifennu’n gywir yn uned dau yn ogystal.

Disgrifio

Beth yw testun disgrifiadol?

• Testun sy’n disgrifio neu’n cyflwyno gwybodaeth am bwnc, lleoliad, gwrthrych, person ac ati.
• Mae’n creu cymeriad neu leoliad dychmygol neu real.
• Nod darn disgrifiadol yw creu awyrgylch a naws.
• Gellir defnyddio ystod o nodweddion arddull, ee ansoddeiriau, cymariaethau, trosiadau a phersonoli.
• Does dim angen mynegi barn na chynnig esboniad (fel arfer).

Mathau o ysgrifennu disgrifiadol sy’n bosibl:

Cofia feddwl am y canlynol wrth ysgrifennu’n ddisgrifiadol:

• ffurf - ym mha ffurf wyt ti'n ysgrifennu (erthygl, ymson, portread, llythyr, stori ayyb)?
• cynulleidfa - ar gyfer pwy wyt ti'n ysgrifennu (plant, oedolion, dynion, menywod ayyb)?
• pwrpas – pam wyt ti'n ysgrifennu (i berswadio, dadlau, adolygu ayyb)?
• arddull – sut wyt ti'n ysgrifennu (ffurfiol, siaradus, difrifol, comig, anffurfiol ayyb)?