³ÉÈË¿ìÊÖ

Mae bron i 100 o swyddi mewn perygl mewn ffatri yn Y Drenewydd, Powys.

Mae Control Techniques yn cynhyrchu 'drives' trydanol, sydd ag amryw o ddefnyddiau mewn sectorau fel moduro, a bwyd a diod.

Mae'r ffatri, a agorodd yn 1973, yn cyflogi tua 350 o bobl, a daeth yn rhan o grŵp Nidec yn 2017.

Gallai 98 o swyddi gael eu colli o ganlyniad i gynnig y cwmni i leihau faint o gynnyrch fydd yn cael ei greu yn Y Drenewydd "mewn ymateb i amodau'r farchnad".

Dywedodd Craig Williams, AS Sir Drefaldwyn, bod y cyhoeddiad yn "newyddion trist iawn i'r holl staff a theuluoedd all gael eu heffeithio gan golli'r swyddi".

Mae Nidec wedi cael cais am ymateb.