³ÉÈË¿ìÊÖ

Rhys Griffiths sy'n Ateb y Galw'r wythnos yma ar ôl iddo gael ei enwebu gan Dafydd Wyn yr wythnos diwethaf.

Yn wreiddiol o Benparc, Aberteifi, roedd Rhys yn byw yng Nghaerdydd ac yna Caerffili, cyn setlo yng Nghastell-nedd gyda'i wraig, Naomi a'u mhab, Gwilym.

Mae'n gweithio i ³ÉÈË¿ìÊÖ Radio Cymru fel Uwch Gydlynydd Amserlennu.

Beth ydi dy atgof cyntaf?

Mae nifer o'm hatgofion cynnar yn cwmpasu Dat, fy nhad-cu. Ro'n ni'n ffrindie mawr.

Ymysg yr atgofion mae rhedeg o gwmpas caeau'r fferm ym Mwnt. Hefyd, oriau o chwarae 'pool' yng Nghlwb Golff, Aberteifi a thrip dyddiol i Tesco ar ôl i Dat fy nghasglu o Ysgol Penparc, a chael bwyta unrhywbeth ro'n i ishe yn y caffi!

Y noson orau i ti ei chael erioed?

Y noson gyrhaeddodd ein mab, Gwilym Rhys Griffiths, yn oriau ola' Ionawr 2020.

Fydd nifer yn ei chofio fel y noson adawodd Prydain yr Undeb Ewropeaidd... fydda' i bendant ddim yn ei chofio am hynny!

Disgrifia dy hun mewn tri gair.

Positif, gweithgar, amyneddgar.

Dy hoff le yng Nghymru a pham?

Dim ond un lle posib - Mwnt. Yn ogystal â'r rhesymau amlwg am y traeth a'r golygfeydd hyfryd, mae sawl rheswm personol hefyd o achos lleoliad y fferm sy'n edrych i lawr tuag at Eglwys y Mwnt.

Pa ddigwyddiad yn dy fywyd sy' o hyd yn neud i ti wenu neu chwerthin pan ti'n meddwl nôl?

Dwirnod ein priodas, diwrnod bythgofiadwy am resyme amlwg.

Gweld gwynebau teulu a ffrinidiau yn mwynhau. Twmpath dawns a chanu tan orie man y bore. A rhaid rhoi 'mensh' i'r araith orau erioed gan y gweision priodas, Dafydd ac Ian - o'dd lot fawr o wenu a chwerthin!

Beth oedd y digwyddiad a gododd y mwya' o gywilydd arnat ti erioed?

Eto, ry'n ni'n mynd i ddiwrnod ein priodas ac at pan ddaeth yr amser i fi wneud fy araith. Roedd angen i fi wneud rhywfaint ohono yn Saesneg er tegwch i rai o'n ffrindie oedd wedi teithio i ddathlu'r diwrnod gyda ni.

Dwi'n ddigon parod i gyfaddef nad ydw i'n hollol gyfforddus yn siarad Saesneg gan anaml iawn sy'n rhaid i fi wneud.

Yn ystod fy araith, roeddwn i eisiau pwysleisio bod Naomi yn berson sydd wastad yn rhoi eraill yn gynta'. Yn anffodus, y geiriau ddwedes i oedd 'Naomi always puts herself before others!!' Embaras llwyr! Yna i wneud pethau'n waeth, ar ôl i'r chwerthin tawelu, rhoies i ymgais arall ar y frawddeg, a dweud union 'run peth eto! Wnes i rhan fwya o weddill yr araith yn Gymraeg!

Pryd oedd y tro diwethaf i ti grïo?

Priodas teuluol cyn Nadolig wrth i Naomi ganu O Holy Night fel eitem. (Mae cerddoriaeth, a llais Naomi yn fy ngwneud i i lefen yn hawdd!)

O archif Ateb y Galw:

Oes gen ti unrhyw arferion drwg?

Chwarae 'Fantasy Football' a gor-ddefnydd o'r ap '³ÉÈË¿ìÊÖ Sport'! Dwi'n ffan mawr o unrhyw chwaraeon!

Beth yw dy hoff lyfr, ffilm neu bodlediad a pham?

Un adduned sy' 'da fi 'leni yw i ddarllen mwy.

Dwi ddim yn darllen hanner digon. Ond un llyfr dwi wedi mwynhau'n ddiweddar ydy llyfr Lowri Morgan, Beyond Limits. Dwi'n ei hedmygu hi'n fawr.

Podlediad - The Socially Distant Sports a Nawr yw'r Awr - podlediad dau Gardi arall - David Cole a Nia Davies ynglÅ·n hyfforddi a chystadlu mewn triathlons.

Ffilm - I fod yn onest, erbyn hyn dwi'n gwylio mwy o gyfresi yn hytrach na ffilmie. Money Heist, You, Ozark a Stay Close sydd ymysg y rhai diweddara' i fi fwynhau.

Byw neu farw, gyda phwy fyddet ti'n cael diod?

Pencampwr Swncer y Byd ar 3 achlysur, Mark Williams.

Dwi'n dwli ar snwcer, wedi bod yn ffan mawr o Mark Williams ers yn fachgen bach a'n falch iawn ei fod wedi codi i frig y gêm eto dros y blynydde' dwetha.

Mae'n dod drosodd fel cymeriad a hanner ond yn ddiymhongar hefyd, felly dwi'n siŵr byddai cael diod gydag e'n lot o sbort!

Dyweda rywbeth amdanat ti dy hun nad oes yna lawer o bobl yn ei wybod.

Bydda i'n rhedeg marathon Llundain ym mis Hydref eleni. I rai oedd yn fy nabod blynydde mawr yn ôl pan o'n i sawl stôn yn drymach, fydd hynny'n dipyn o syndod!

Ar dy ddiwrnod olaf ar y blaned, beth fyddet ti'n ei wneud?

Bod yng nghwmni teulu a ffrindie,yn chwarae gemau bwrdd a chael 'sing song'! Hefyd yn bwyta fy mhryd delfrydol sef madarch mewn saws garlleg, Gammon a Chips (gydag wy A phinafal) a Chocolate Fudge Cake. Yna glasied bach o Port a Brandy i olchi'r cyfan i lawr!

Pa lun sy'n bwysig i ti a pham?

Cwestiwn anodda' - ma miloedd ar y ffôn! Ond wedi dewis hon - ein Nadolig cynta ni fel teulu o dri, a'r un cyntaf yn ein cartre newydd hefyd.

Petaset ti'n gallu bod yn rhywun arall am ddiwrnod, pwy fyddai ef/hi?

Alun Wyn Jones - er mwyn trosglwyddo i chwarae i'r Scarlets yn lle'r Gweilch!!