³ÉÈË¿ìÊÖ

Canslo brechiadau ym Mae Cinmel wedi difrod dŵr

jabGetty Images

Bydd pobl oedd fod i gael brechlyn yn cael eu hanfon i Landudno

Mae pob apwyntiad am frechiad Covid-19 mewn canolfan yn Sir Conwy wedi eu canslo ddydd Gwener oherwydd difrod i'r adeilad.

Dywedodd Bwrdd Iechyd Prifysgol Betsi Cadwaladr fod "gollyngiad wedi achosi difrod dŵr sylweddol" i Ganolfan Frechu Bae Cinmel.

Dywed llefarydd bod staff yn y broses o gysylltu â phobl i aildrefnu eu hapwyntiadau brechu ac y bydd pobl yn cael eu brechu dros dro yng Nghanolfan Brechu Torfol Llandudno.

"Rydym ni'n gobeithio cael sesiynau ar waith eto yn y Ganolfan Frechu Leol ym Mae Cinmel yn gynnar yr wythnos nesaf. Ymddiheurwn am unrhyw anghyfleustra," ychwanegodd llefarydd.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.
Nid yw'r ³ÉÈË¿ìÊÖ yn gyfrifol am gynnwys safleoedd allanol
I osgoi neges twitter gan Betsi Cadwaladr

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r ³ÉÈË¿ìÊÖ yn gyfrifol am gynnwys safleoedd allanol

Yn y cyfamser mae Tîm Rheoli Digwyddiadau sy'n cynnwys Cyngor Sir Ddinbych, Iechyd Cyhoeddus Cymru a Bwrdd Iechyd Prifysgol Betsi Cadwaladr wedi ymgynnull ar ôl cynnydd yn nifer yr achosion o Covid-19 yn Sir Ddinbych.

Dywedodd Nicola Stubbins, Cadeirydd y Tîm Rheoli Digwyddiadau "Rydyn ni wedi bod yn gweithio gyda'n gilydd i ymchwilio i nifer cynyddol o achosion Covid-19 cysylltiedig yn y sir.

"Rydym yn ymwybodol bod Covid-19 yn dal i gylchredeg yng ngogledd Cymru a hoffem sicrhau preswylwyr ein bod yn gweithio i leihau unrhyw ledaeniad pellach. Mae hyn yn cynnwys cynnal profion ychwanegol yn y sir dros y dyddiau nesaf yn ogystal â phroses Profi, Olrhain a Diogelu gwell."

Cyngor Sir Dinbych

Dywedodd Nicola Stubbins, bod y Tîm Rheoli Digwyddiadau yn gweithio i leihau unrhyw ledaeniad pellach

"Dylai unrhyw un sy'n datblygu symptomau Covid-19 archebu prawf mewn canolfan brawf ar unwaith ac yn dilyn canlyniad positif, dylai preswylwyr hunanynysu a rhannu'r holl wybodaeth berthnasol gyda chynghorwyr Profi, Olrhain a Diogelu.

"Rydym hefyd yn atgoffa'r rhai sy'n gymwys a ddim yn dangos symptomau i wneud profion Llif Unffordd rheolaidd gartref, sydd am ddim, ac y gellir eu harchebu ar-lein i'w danfon gartref.

"Bydd hyn yn helpu i atal lledaeniad y firws a chadw achosion i lawr. Rydyn ni'n atgoffa'r cyhoedd bod ganddynt rôl hanfodol o ran atal lledaeniad yr haint ac iddynt barhau i fod yn wyliadwrus a gweithredu'n ofalus," ychwanegodd.

Ddydd Gwener fe wnaeth Iechyd Cyhoeddus Cymru gofnodi 118 yn rhagor o achosion positif o Covid-19 ar draws Cymru.

Sir Conwy sy'n parhau â'r gyfradd achosion uchaf, sef 34.1 i bob 100,000.

Pynciau cysylltiedig

Straeon perthnasol