³ÉÈË¿ìÊÖ

Mae Simon Chong yn wreiddiol o Lanberis ac yn gyn-ddisgybl Ysgol Brynrefail. Wedi cyfnod o fyw yn Llandudno a mynd i'r brifysgol yn Middlesbrough aeth i fyw i Lundain lle dechreuodd ei yrfa ym myd animeiddio.

O'r fan yno fe ffrwydrodd ei yrfa pan gafodd swydd yn gweithio yn Los Angeles. Mae bellach yn gweithio fel is-gyfarwyddwr ar un o'r rhaglenni cartŵn mwyaf poblogaidd ar y teledu, Bob's Burgers.

"Dwi'n tynnu lluniau ers oeddwn yn ddigon hen i ddal pensil. Roedd Mam yn arfer dweud mai'r unig beth o'n i'n ei wneud tra'r o'n i'n blentyn oedd tynnu lluniau - do'n i ddim yn stopio! Byswn i'n tynnu lluniau cymeriadau o'r Simpsons, Super Mario, Sonic, neu unrhyw ffilm Disney o'n i newydd ei weld.

"Nid tan i mi weld Toy Story yn 11 oed nes i sylweddoli mai dyna o'n i am wneud efo fy mywyd, animeiddio. Ddes i allan o'r sinema, ac o'r foment yna 'mlaen roeddwn eisiau animeiddio ac adrodd straeon."

Swydd gyntaf Simon oedd fel dylunydd yn Llundain.

"Roedd o'n ymwneud ag animeiddio yn y byd hysbysebion/marchnata ar gyfer digital signage, sef fel arfer y sgriniau animeiddio sy mewn ffenestri siopau."

Ond mae ei swydd bresennol yn Los Angeles yn dra gwahanol i'r hyn arferai wneud yn Llundain.

"Allai ddim siarad am fy ngwaith o ddydd i ddydd yn anffodus. Fel y mwyafrif o sioeau yma (UDA), mae'r cynhyrchu yn gyfrinachol ac yn dod o dan NDA (non-disclosure agreements). Dwi'n cael sgript a dwi'n llunio'r cymeriadau i'r sain sydd wedi ei recordio yn barod, ac mae rhaid i ni benderfynu sut mae'r golygfeydd am ymddangos yn weledol. Dwi'n caru'r gwaith!"

Felly sut wnaeth Simon gyrraedd y man yma yn ei yrfa?

"Pan o'n i'n gweithio efo fy swydd gyntaf yn Llundain fe wnes i a fy rheolwr yno benderfynu gadael a chreu stiwdio animeiddio ein hunain. Wnaethon ni greu Headspin Media a'i redeg o efo'n gilydd.

"Rhywbeth o'n i wastad yn gwneud oedd dysgu triciau animeiddio newydd. Dydw i byth yn cael digon o ddysgu a wastad eisiau parhau i addysgu'n hun."

"Ro'n i'n gwneud hyn drwy ffeindio prosiectau dwi wir yn teimlo'n passionate amdanyn nhw. (gwefan allanol) lle'r oedd cymeriadau Book of Mormon yn dod i South Park."

"Roedd o'n lot o hwyl i wneud crossovers (cyfuno rhaglenni gwahanol yn un), ac fe wnaeth o fy mhwsio i wneud mwy. Wnes i ambell brosiect arall ond yr un mwyaf yr o'n i wir eisiau profi fy ngallu oedd rhaglen arall oedd yn cyfuno dwy raglen - Archer a Bob's Burgers.

"Bob's Burgers yw fy hoff raglen animeiddio erioed - " (gwefan allanol).

"Ro'n i eisiau gweld os fyswn yn gallu gwneud darn o animeiddio i safon teledu. Felly, wnes i dreulio saith mis yn gweithio gyda'r nos a phenwythnosau ar y darn yma. Ro'n i'n cymryd sain o'r ddwy raglen a'u trefnu fel bod yna ddeialog rhwng y cymeriadau, ac yna'n animeiddio'r holl beth.

"Wnes i roi o ar-lein yn y diwedd ym mis Gorffennaf 2017. O fewn tair awr roedd wedi ffeindio'i ffordd i swyddfeydd rhaglen Archer, ac o fewn 24 awr fe wnaeth Loren Bouchard, crëwr Bob's Burgers, gysylltu efo fi ar Twitter a chynnig swydd i mi!

"Tri mis yn ddiweddarach o'n i wedi gwerthu fy stwff i gyd a gadael Llundain am LA er mwyn gweithio ar y sioe - a dyna lle dwi 'di bod ers hynny. Bellach fi yw is-gyfarwyddwr Bob's Burgers, ac mae'r flwyddyn ers hynny wedi bod yn freuddwyd llwyr!"

"Eleni fe wnaeth Bob's Burgers gag am olygfa agoriadol The Simpsons gyda'r soffa. (gwefan allanol).

"Doeddwn i ddim ar y prosiect yn hir, a wnes i ddim gweithio yn swyddogol i'r Simpsons. Ond mi wnes i lunio ³ÉÈË¿ìÊÖr dipyn, a oedd yn wych o ystyried mai llunio cymeriadau'r Simpsons yw lle dechreuodd y cyfan.

"Dwi wedi cyfarfod cast Bob's Burgers i gyd, ac maen nhw'n hyfryd. Ac mae wedi bod yn wych gweithio gyda sylfaenydd y rhaglen, Loren Bouchard. Dwi wedi gweld enwau mawr ar y bwrdd straeon yn dod i gymryd rhan fel cymeriadau gwadd ond dwi heb fynd atyn nhw i ddweud helo!"

"Dwi eisiau gweithio gyda Bob's Burgers am chyn belled ag y galla i, neu am ba mor hir mae'r sioe ar yr awyr. Mae hwn wir yn freuddwyd o job i fi, a gan fod gen i o rŵan dydw i ddim yn gadael iddo fo fynd heb ffeit! Ond byswn i'n hoffi cyfarwyddo rhywbryd yn sicr."

Gyda'i yrfa wedi saethu i fyny dros y ddwy flynedd ddiwethaf, beth fyddai cyngor Simon i unrhyw animeiddiwr sydd am ddechrau yn y maes?

"Fy nghyngor gorau i ydi i gario 'mlaen i greu pethau. Peidiwch byth â stopio'ch creadigrwydd rhag mynd â chi i'r cyfeiriad rydych chi eisiau mynd. Yn bwysicach na dim, gwnewch bethau i chi'ch hun. Peidiwch byth â gwneud pethau i rywun arall."

"Wnes i ddim gwneud y cartŵn Bob's Burgers/Archer er mwyn cael swydd, wnes i o i fy hun ac fel y gallwn barhau i ddysgu fy nghrefft. Mae beth ddigwyddodd ers hynna wedi bod yn anhygoel wrth gwrs, ond y pwrpas oedd addysg a meithrin sgiliau i ddechrau.

"Hefyd, os ydych chi'n dechrau, peidiwch â gwneud beth ydych eisiau yn gyntaf. Gwnewch gyfres o bethau bach eraill sydd yn cynnwys elfennau o'r peth mwy yr ydych eisiau gwneud. Yna allwch fynd a dychwelyd at y peth mwy gyda'r wybodaeth o wneud y manylion bach yn gywir, a gwneud darn o waith sydd cystal â'ch disgwyliadau.

"Yn olaf, mwynhewch! Mae'r gallu i fod yn greadigol yn y gwaith yn rhywbeth hyfryd!"