|  |
Ofni fod talent yn mynd ar goll
 Yn hytrach na theledu rhaglenni o 'bigion' llwyfan Eisteddfod yr Urdd byddai S4C yn gwneud mwy o gymwynas yn galluogi i s锚r ifanc yr eisteddfodau wneud eu rhaglenni eu hunain yn 么l un o actorion Cymru.
Phyl Harries oedd llywydd dydd Gwener ym Margam ac wrth ddiolch i'r Urdd am yr hyn a gafodd ef gan y mudiad galwodd am greu "sefydliad" a fyddai'n meithrin y dalent fawr sydd i'w gweld yn yr Eisteddfod bob blwyddyn.
Eglurodd wrth 成人快手 Cymru'r Byd wedyn yr ofnai fod llawer o'r dalent a welir yn yr eisteddfod o flwyddyn i flwyddyn yn cael ei cholli oherwydd nad oes meithrinfa iddi rhwng ennill yn yr Urdd a bod yn broffesiynol.
"Rwy'n teimlo fod shwd gymaint o dalent i'w weld yn yr Urdd bob blwyddyn ac yr ydym yn gweld ambell i wyneb yn codi ond yr ydym yn colli shwd gymaint hefyd, nad ydym byth yn eu gweld eto," meddai.
Canmolodd Theatr Genedlaethol Ieuenctid Cymru fel un feithrinfa werthfawr ond awgrymodd hefyd y gallai S4C gynnig help i'r perfformwyr addawol hyn.
"Gallem gael rhaglenni arbennig ar S4C ar eu cyfer. Er enghraifft, yn lle bod S4C yn dangos rhaglenni o bigion y dydd ar 么l yr Eisteddfod ei bod yn cymryd y talentau hyn a rhoi rhaglenni iddyn nhwy eu gwneud fel eu bod yn yn medru datblygu eu talent a chael hyder," meddai.
Wedyn, ychwanegodd, pan fyddai'r artistiaid hyn maes o law yn perfformio y tu allan i Gymru byddent yn gallu ymffrostio i'r byd yn y ffaith mai yng Nghymru y cawsant eu hyfforddiant ac mai yma y meithrinwyd eu sgiliau.
 "Rwy'n gwybod fod talent yn bod yng Nghymru ac o'r hyn ydw i wedi ei weld yma eleni mae'r safon yn uchel iawn a'r cynnyrch wedi bod mor dda," meddai.
Talodd deyrnged arbennig i berfformiad Glesni Euros fel y Frenhines yng nghynhyrchiad yr ysgolion cynradd o Nia Ben Aur.
Er yn perfformio mewn cynhyrchiad Shakespeare yng Ngwyl Llwydlo yr wythnos hon gwnaeth Phyl Harries amser iddo'i hun ddod i Eisteddfod yr Urdd a hynny oherwydd ei ddyled fawr ei hun, meddai, i'r mudiad am roi iddo y cyfle i ddysgu sgiliau sydd wedi ei alluogi i ddilyn gyrfa actor.
|
|
