���˿���

Mae datblygiad yn golygu ‘newid’. Yn aml iawn, y ffordd orau o fesur datblygiad yw drwy ddefnyddio cyfoeth fel dangosydd. Mae’n bosibl cymharu cyfoeth gwledydd drwy ddefnyddio dangosydd economaidd, er enghraifft cynnyrch mewnwladol crynswth (CMC). Yn 2016, yn ôl y Cenhedloedd Unedig (CU), UDA oedd y wlad fwyaf cyfoethog yn y byd.

Nid yw datblygiad cymdeithasol mor hawdd i’w fesur, oherwydd yn lle defnyddio dangosyddion economaidd, sy’n aml yn ddibynadwy, ac sy’n rhoi gwybodaeth i ni am gyflwr economi gwlad, mae mesur datblygiad cymdeithasol yn asesu pa mor ddatblygedig yw bywydau pobl mewn gwlad neu ranbarth. Nid yw’r ffaith fod gan wlad CMC mawr yn golygu bod pawb sy’n byw yn y wlad honno yn gyfoethog. Mae’n bosibl y bydd tlodi mawr mewn rhai rhanbarthau, neu na fydd pawb yn gallu cael mynediad at addysg yno. Dyma pam y mae’n bwysig bod daearyddwyr yn deall datblygiad cymdeithasol.

Ffactorau sy’n dylanwadu ar ddatblygiad

Mae’r ffactorau sy’n dylanwadu ar ddatblygiad gwlad yn gallu bod yn gymhleth. Mae yna ffactorau cymdeithasol, hanesyddol, gwleidyddol ac economaidd. Mae deall y rhesymau hyn, a beth sy’n achosi i wlad fod yn dlawd, hefyd yn ffordd o helpu’r wlad i ddatblygu.