Astudiaeth achos – Eva Clarke
Un o oroeswyr yr HolocostLlofruddiaeth 6 miliwn o Iddewon a miliynau o leiafrifoedd eraill gan y Natsïaid yn ystod yr Ail Ryfel Byd. yw Eva Clarke a ddaeth i fyw yng Nghaerdydd tan ei bod yn 18 mlwydd oed.
Roedd rhieni Eva wedi cael eu hanfon i gwersyll crynhoiSafle, sydd yn aml â chyfleusterau annigonol, lle mae pobl yn cael eu carcharu'n fwriadol, a'u gorfodi i lafurio neu gael eu hanfon i'w lladd yn dorfol. yn Auschwitz, lle saethwyd ei thad yn farw. Arbedwyd ei mam, Anka Bergman, oedd yn feichiog gydag Eva ar y pryd, a chafodd ei hanfon ar daith drên 17 diwrnod i wersyll crynhoi arall heb ddim bwyd na fawr ddim dŵr.
Yn fuan wedi’r daith drên, rhoddodd Anka enedigaeth i Eva yn y gwersyll crynhoi yn Mauthausen. Dim ond 32 kg oedd pwysau Anka erbyn hyn, a dim ond 1.5 kg oedd pwysau Eva pan gafodd ei geni.
Yn 2017, ymwelodd Eva Clarke i siarad am y profiadau hyn.
Pan fydd Ymddiriedolaeth Addysgol yr Holocost yn mynd i ysgolion, yr hyn rydym yn ceisio’i wneud yw nid yn unig cofio a choffáu’r holl bobl hynny a fu farw, ond ceisio dysgu gwersi’r Holocost.
Diwrnod Coffáu’r Holocost
Diwrnod cenedlaethol yw Diwrnod Coffáu’r Holocost a gedwir bob blwyddyn ar 27 Ionawr. Mae’n adeg i bobl gofio’r rhai a ddioddefodd ac a gollodd eu bywydau yn ystod yr Holocost.
Yn 2017, siaradodd Eva Clarke yn y gwasanaeth ar Ddiwrnod Coffáu’r Holocost a gynhaliwyd yn Neuadd Dinas Caerdydd. Roedd dros 500 o bobl yno i wrando ar ei stori.