Saernio ei bedwaredd cadair
Rhodd gan y Llyfrgell Genedlaethol yw cadair Eisteddfod Genedlaethol Urdd yng Nghaerdydd eleni.
Ac y mae hi y bedwaredd cadair eisteddfodol i'w gwneud gan Arnold James, cyn athro Celf, Dylunio a Thechnoleg o Lanelli.
"Cadair Eisteddfod Powys yn yr Wythdegau oedd y gyntaf i mi ei chreu, a hynny pan oeddwn i'n byw yn yr ardal. Ro'n i hefyd yn gyfrifol am gadair Eisteddfod yr Urdd, Wrecsam yn '97 a chadair yr Eisteddfod Genedlaethol yn Llanelli, 2000," meddai Arnold sy'n defnyddio garej ei gartref yn Llanelli yn weithdy.
"Creu model fechan o'r gadair yw cam cyntaf y broses bob tro," eglurodd.
Ar 么l i'r Llyfrgell weld a thrafod y cysyniad yr aeth ati i ddewis coedyn addas a chychwyn o ddifri ar y gadair ei hun.
cyfansoddi cerdd
Bydd y gadair yn cael ei chyflwyno i'r bardd buddugol am gyfansoddi cerdd gaeth eu rydd ar y testun Ymlaen yn ystod prif seremoni ddydd Iau yr Eisteddfod.
Y beirniaid yw Hywel Griffiths a Karen Owen.
Wrth gyhoeddi mai rhodd gan y Llyfrgell genedlaethol yn Aberystwyth yw'r gadair dywedodd R Arwel Jones, Cyfarwyddwr Gwasanaethau Cyhoeddus Llyfrgell Genedlaethol Cymru:
"Mae'r Llyfrgell yn frwd iawn dros y gwasanaeth a gynigir ganddi i blant a phobl ifanc Cymru trwy ei Gwasanaeth Addysg a'r trysorau sydd ar gael iddynt ar lein.
"Rydym yn falch iawn o gael cyflwyno'r gadair i enillydd Eisteddfod Genedlaethol yr Urdd, Bae Caerdydd ac o'r cyfle i gydweithio gydag Arnold James ar y cynllun."
Ac meddai Aled Si么n, Cyfarwyddwr yr Eisteddfod, wrth ddiolch i'r Llyfrgell:
"Mae seremoni'r cadeirio yn wledd i'r llygaid bob tro ac edrychwn ymlaen at weld y gadair yn cael ei chyflwyno i'r bardd buddugol."
