Yr oedd enillydd Medal Ddrama Eisteddfod yr Urdd, Caerdydd, eleni wedi cael rhybudd beth i'w ddisgwyl.
Yn cyd-deithio ag ef i'r Eisteddfod ddoe yr oedd ei gyfaill Huw Owen a enillodd goron yr Eisteddfod y llynedd.
Ac eleni cafodd yr aelod o'r gynulleidfa, y llynedd, y profiad o fod ar y llwyfan wedi i'w ddrama, Nialwch gael y ganmoliaeth uchaf gan feirniaid y gystadleuaeth, Bethan Jones a Manon Steffan Ross.
Yn cyffwrdd
"Mae'n ddarn o theatr sy'n cyffwrdd go iawn," meddai Manon Steffan Ross yn traddodi'r feirniadaeth.
"Yn deimladwy, yn ddwys, mae yna aeddfedrwydd sy'n cynnwys haenau o ddealltwriaeth wedi ei lunio'n grefftus," meddai am y ddrama sy'n ymwneud 芒 thri chymeriad mewn hen festri capel yn y munudau cyn eu marwolaeth ac wrth aros am y foment yn hel atgofion ac yn dadansoddi bywyd a chwilio am gysur yn yr ychydig grefydd maen nhw'n gallu'i dwyn i gof o'u plentyndod.
"Mae'r ddrama hon yn disgleirio, un o'r perlau anghyffredin hynny sy'n datguddio haen newydd gyda phob darlleniad," meddai.
Ac er bod adlais o Beckett ynddi dywedodd ei bod yn fwy nag adlewyrchiad o waith y dramodydd hwnnw.
Dylanwad wil Sam
Ac wrth siarad am ei ddrama wedyn dywedodd yr awdur ei fod yn edmygydd o theatr yr abswrd ac o ddramodwyr fel W S - Wil Sam - Jones.
Diddordeb Wil Sam mewn geiriau a ffordd-o-ddweud yw ei ddiddordeb yntau hefyd meddai.
"Does yna ddim plot, does yna ddim strwythur jyst cymeriadau a iaith ," meddai.
S诺n heb synnwyr
"Dyna sut cychwynnais i sgrifennu'r ddrama - gwrando ar beth oedd gan bobl i'w ddweud. Dwi bob amser yn meddwl bod s诺n heb synnwyr yn well na synnwyr heb s诺n. Mae s诺n iaith yn beth pwysig iawn i mi," meddai.
Ac yntau'n frodor o Bwllheli nid yw ond yn naturiol mai tafodiaith Ll欧n ac Eifionydd a dywediadau'r ardal honno sy'n ei gyfareddu a hynny'n amlwg yn gwneud i rywun feddwl am Wil Sam.
"Dwi'n astudio gwaith Wil Sam ac yn sicr mae o wedi bod yn ddylanwad mawr. Mi gefais i'r fraint i'w gyfweld o ychydig flynyddoedd yn 么l a beryg na fuaswn i wedi mentro sgwennu drama oni bai imi gael treulio amser yn astudio ei ddram芒u o."
Cyfeiriodd hefyd at ei hoffter o Aled Jones Williams, Beckett a Brian Friel.
Cynganeddu yn help
Dywedodd i'w ddiddordeb mewn barddoni a chynganeddu hefyd fod o help iddo gyda'i ymdrechion i sgrifennu drama.
""Mi ddechreuais i gynganeddu ac mae hwnna wedi bod yn wers fawr o ran cynildeb a sut mae dethol geiriau a gwrando ar s诺n pethau a meddwl ddwywaith cyn sgrifennu," meddai.
Datgelodd hefyd gyfrinach, mai amrywiadau ar ei enw ef ei hun yw' enwau'r tri chymeriad yn y ddrama fuddugol.
""Sol ydi enw un cymeriad a Sol ydi enw'r teulu. Ac wedyn, Eifion fy enw canol yn gymeriad a chymeriad o'r enw Guto yn llygriad o Gruffudd!" meddai.
