³ÉÈË¿ìÊÖ

Ond yng nghyfarfod diwethaf Cyngor yr Eisteddfod ddydd cyhoeddi Eisteddfod Genedlaethol Wrecsam y flwyddyn nesaf dywedodd Prif Weithredwr y Brifwyl, Elfed Roberts, na dderbyniwyd enwau a ystyriwyd yn dderbyniol.

Yn y cyfarfod hwnnw cynigiodd aelod o'r Cyngor, Eifion Lloyd Jones, eu henwi i goffau dau o selogion yr Eisteddfod a fu farw yn ddiweddar, Hywel Teifi Edwards a Dafydd Whittall.

Pabell Hywel a Phabell Dafydd oedd ei awgrym ef - ond chafodd yr awgrym ddim rhyw dderbyniad brwd iawn a dywedwyd nad oedd digon o amser i weithredu cyn Glynebwy beth bynnag. Fel Un a Dwy, felly, yr adnabyddir y pebyll am eleni o leiaf.

Ond, am wn i, does dim yn rhwystro neb gynnig enwau ar gyfer y flwyddyn nesaf yn Wrecsam.

Y drwg, mae'n debyg, wrth feddwl eu henwi ar ôl pobl yw bod cymaint o rai haeddiannol y gellid eu hystyried. Wrth gofio Hywel Teifi a Dafydd Whittall er enghraifft mae rhywun yn cofio hefyd y golled o golli Dic Jones, Dic yr Hendre, hefyd.

Tybed fyddai rhywun yn cael mwy o lwc yn meddwl am barau hanesyddol neu ddaearyddol go adnabyddus.

Awgrymodd cyfaill Sodom a Gomora - rwan dyna be fyddai'n tynnu pobl.. Wel, rhai pobol efallai.

Neu beth am Babell y Cwn a Phabell y Brain?

Neu babell y Gwynt a Phabelly Taranau . . .

Croesewir awgrymiadau . . .callach os bosib . . .