³ÉÈË¿ìÊÖ

Faodar àireamhan a chruinneachadh gu figearan brìgheil. 'S àbhaist nach e àireamhan le neoni a bhios ann am figearan brìgheil. Faodaidh neonithean a bhith cudromach ge-tà ann an dà shuidheachadh.

Gabhaidh cuid de shurdan a shìmpleachadh a' cleachdadh diofar riaghailtean no le bhith a' raiseanaileadh an t-seòrsaiche. Gabhaidh cuid de theirmean le indeacsan cuideachd a bhith air an sìmpleachadh.

Lorg riadh fillte is àrdachadh/ìsleachadh luach. A' tilleadh an atharrachaidh gus an t-sùim ro àrdachadh/ìsleachadh ceudadach a lorg. Faodar 4 dòighean an co-chuir ri bloighean le àireamhan measgte.

'S e foirmle sa bheil co-dhiù aon chaochladair a th' ann an co-aontar. Tha grunn sheòrsachan ann: co-aontar loidhne dhìreach, ailseabrach, co-amail is far am feum cuspair an fhoirmle atharrachadh.

Nì fuincsean ceàrnanach graf paraboilig. Gabhaidh na feartan obrachadh a-mach bhon sgeidse aige agus a chaochladh. Fuasglaidh tu co-aontaran ceàrnanach le factaradh no leis an fhoirmle cheàrnanach.

Tha toirt chamagan air falbh a' ciallachadh gum bi thu ag iomadachadh an teirm taobh a-muigh nan camagan leis an teirm air an taobh a-staigh - Lagh an Sgaoilidh. Cleachd an t-òrdugh FOIL is sìmplich.

Tha ceithir dòighean ann air a bhith a' factaradh abairt: factar cumanta, diofar eadar dà luach cheàrnaichte, abairt thrì-theirmeach/cheàrnanach is a' cur crìoch air ceàrnagachadh.

Sìmplich bloighean ailseabrach le bhith a' dubhadh às fhactaran cumanta air an àireamhaiche agus air an t-seòrsaiche. 'S urrainn dhuinn cuideachd na ceithir dòighean-obrach agus camagan a chleachdadh.

Teoram Phythagoras: ann an triantan ceart-cheàrnach, tha faid cheàrnagaichte a' hypotenuse co-ionann ri sùim faidean ceàrnagaichte an dà thaobh eile. Cuidichidh seo le ceistean mu dhiagraman 2sh/3sh.

Thig suim nan ceàrnan ann an triantan gu 180°; ceithir-cheàrnach gu 360°. Gabhaidh ceàrnan obrachadh a-mach am broinn leth-chearcaill is cearcaill, is le letheadairean ceart-cheàrnach is tansaintean.

Ma tha faid, farsaingeachd no tomhas-lìonaidh a dhìth air cumadh lùghdaichte/meudaichte, 's urrainn dhut obrachadh a-mach le bhith an toiseach ag obrachadh a-mach an fhactair sgèile.

Gabhaidh caisead loidhne dhìreach obrachadh a-mach a' cleachdadh seata comharraichte de phuingean cho-chomharran. Tha 3 suidheachaidhean ann de loidhnichean dìreach: co-shìnte, còmhnard is bheartagail

'S e bloigh dhen chearcall-thomhas a th' ann am faid arc. 'S e bloigh cearcaill a th' ann am farsaingeachd seactor.

Obraich a-mach tomhas-lìonaidh nan cruinnean, leth-chruinnean, cònaichean, priosaman, siolandairean is pioramaidean, a bharrachd air cumaidhean ceangailte. Cruinnich gu figearan brìgheil freagarrach.

A' lorg co-phàirtean bheactor bho dhiagram, bheactoran seasaimh, a' cur-ris/a’ toirt-air-falbh bheactoran 2sh agus 3sh agus a' lorg mheudachdan.

Bheir an graf aig fuincsean triantanachd fios mun cho-aontar aige. Thèid co-aontaran triantanachd fhuasgladh leis na riaghailtean bho CUST. Thèid abairtean a shìmpleachadh le ionannachdan triantanachd

Bidh riaghailtean sine/cosine gan cleachdadh le triantain gun cheàrn ceart is thaobh/cheàrn a tha a dhìth. Bidh seo ga chleachdadh le cùrsaichean. Obraichear an fharsaingeachd a-mach le triantanachd.

Dèan coimeas air seataichean-dàta le cuibheasan, plot-bhogsaichean, an raon eadar-chairtealach is claonadh àbhaisteach. Cleachd graf-sgapte is an loidhne as freagarraiche gus toraidhean a ro-innse.