���˿���

Mae cynllunio a threfnu yn sgiliau pwysig. Mae gallu trefnu’n effeithiol yn golygu gallu defnyddio amser, egni ac adnoddau i dy helpu di i gyrraedd dy dargedau.

Yn ôl Benjamin Franklin, un o sefydlwyr yr Unol Daleithiau, os yw rhywun yn cynllunio’n dda mae’n llai tebygol o fethu â sicrhau’r canlyniad arfaethedig.

Nodau ac amcanion

Mae gosod nodau ac amcanion yn rhan hanfodol o’r broses gynllunio a threfnu.

Nodau

Y nod yw’r canlyniad rwyt ti'n gobeithio ei gyflawni. Datganiad cyffredinol sy’n ymwneud â’r targedau, y dibenion neu’r bwriadau cyffredinol yw nod.

Amcanion

Amcanion yw'r camau unigol mae’n rhaid eu cwblhau er mwyn cyrraedd y targedau hynny. Mae amcanion yn fwy penodol, oherwydd mae angen iddynt fod yn ymarferol, yn bosibl eu cyflawni ac o fewn cyrraedd. Fel arfer, mae mwy nag un amcan.

Mae nodau ac amcanion fel arfer yn cael eu hysgrifennu fel berfenwau, ee:

• datblygu
• dylunio
• creu

Enghraifft

Nod – Gwirfoddoli mewn lloches leol i anifeiliaid, a cheisio codi ymwybyddiaeth ac arian er mwyn helpu’r lloches i fod yn gynaliadwy yn y dyfodol.

• Amcan un – ymchwilio i lochesau anifeiliaid lleol er mwyn dod o hyd i leoliad
• Amcan dau – dysgu sut i ofalu am yr anifeiliaid
• Amcan tri – ymchwilio a chynllunio digwyddiad codi arian