���˿���

Plisg electronau

Mae electronau wedi’u trefnu mewn gwahanol blisg o gwmpas y niwclews. Dim ond nifer penodol o electronau mae pob un plisgyn yn gallu ei ddal.

Y plisgyn mewnol sy’n cael ei lenwi gyntaf. Mae’r plisgyn hwn yn gallu dal uchafswm o ddau electron. Mae’r ail blisgyn yn gallu dal uchafswm o wyth electron. Pan mae hwn yn llawn, mae electronau’n mynd i’r trydydd plisgyn, sydd hefyd yn dal uchafswm o wyth electron. Yna mae’r pedwerydd plisgyn yn dechrau llenwi.

Er enghraifft, mae gan atom lithiwm dri electron. Mae ganddo ddau yn y plisgyn cyntaf ac un yn yr ail blisgyn.

Mae gan atom carbon chwech electron. Mae ganddo ddau yn y plisgyn cyntaf a phedwar yn yr ail blisgyn.

Mae gan atom calsiwm 20 electron. Mae dau yn y plisgyn cyntaf, mae wyth yn yr ail blisgyn, mae wyth yn y trydydd plisgyn ac mae dau yn y pedwerydd plisgyn.