Gille à Inbhir Nis a' buannachadh farpais reasabaidh airson Chaisteal Inbhir Nis
- Air fhoillseachadh
Bhuannaich sgoilear aig Acadamaidh Bhaile Theà rlaich duais airson reasabaidh a chruthaich e a bhitheas mar phà irt den chlà r-bhidhe anns an taigh-bhidhe ùr aig Caisteal Inbhir Nis.
'S e 'Haggis Fusion' a th' aige air, agus seo a' measgachadh biadh traidiseanta - taigeis - le tionndadh na Grèige air.
Tha Ally, 13, air a dhòigh glan gun do bhuannaich e.
"Tha mo mhà thair air a bhith a' cur biadh na Grèige còmhla ri taigeis bho chionn fhada le tzatziki agus sailead agus tha e cho furasta a chur ri chèile agus a' còrdadh gu mòr ri daoine," thuirt e.
Bha an dà chuid taigeis à bhaisteach agus taigeis glasraichear ri fhaighinn aig an tachartas Diluain ann an Acadamaidh Bhaile Theà rlaich.
Fhuair sgoilearan agus daoine eile cothrom blasad fhaighinn air a' bhiadh aig Ally anns an sgoil Diluain - an dearbh là a chaidh cafaidh ùr fhosgladh san sgoil a tha air a ruith leis a' chloinn, feuch am faigh iad eòlas air gnìomhachas a' bhidhe fhad 's a tha iad fhathast san sgoil.
Thuirt Ceannard Roinn Teicneolais na h-Acadamaidh, Lizzie Rudge, gu bheil iad moiteil às na rinn Ally, agus tha iad a' beachdachadh air an reasabaidh aige a chleachdadh anns an cafaidh ùr.
Tha dùil gum fosgail an caisteal às ùr an ath-bhliadhna.