³ÉÈË¿ìÊÖ

Chaidh moladh mòr a dhèanamh air cuairt dheireannach Deasbad Nàiseanta nan Àrd-sgoiltean anns an do shoirbhich Àrd-sgoil Phort Rìgh air a' cheann thall.

Rinn Èoghann Caimbeul is Alasdair Stiùbhart à Port Rìgh an gnothach air Fionnlagh Moireasdan is Luca Sutherland à Àrd-sgoil Ghàidhlig Ghlaschu sa chuairt dheireannaich ann am Pàrlamaid na h-Alba oidhche Ardaoin.

Thog fear de na britheamhan, Aonghas MacIllinnein, air ìre àrd an deasbaid is e ag ràdh gun robh e "na adhbhar misneachd dhan Ghàidhlig air feadh Alba".

Thuirt Mgr MacIllinnein gun robh a' chuairt dheireannach cho faisg is gun robh e glè dhoirbh dha na britheamhan co-dhùnadh cò bhuannaich.

Air a' cheann thall 's iad na Sgitheanaich a shoirbhich.

'S e Fionnlagh Moireasdan bho Àrd-sgoil Ghàidhlig Ghlaschu a chaidh ainmeachadh mar an òraidiche a b'fheàrr.

Bha Deasbad Nàiseanta nan Àrd-sgoiltean am-bliadhna a' comharrachadh 25 bliadhna bho chaidh an fharpais a stèidheachadh.