³ÉÈË¿ìÊÖ

Tha an SWPL ag ràdh gun d'fhuair na sgiobaidhean ann am Prìomh Lìg nam Ban an t-suim airgid as àirde a-riamh air an t-seusan 2022/23.

Tha seo a-rèir chunntasan bliadhnail an lìg, is iad ag ràdh gun deach £344,154 a sgaoileadh am measg nan clubaichean - faisg air a' cheithir uimhir na fhuair iad air an t-seusan 2021/22.

Chaidh £259,154 a thabhainn tro chìsean-cluba, agus bha £85,000 a bha air fhàgail ri fhaighinn mar dhuaisean-airgid Cupa na Lìg.

Tha seo a' tighinn às dèidh don SWPL, Buidheann Riaghlaidh Ball-coise na h-Alba (SFA) agus Lìg Ball-coise Proifeiseanta na h-Alba (SPFL) roinn-mhargaidheachd ùr a stèidheachadh còmhla as t-samhradh 2022.

"Sònraichte làidir"

Thuirt Fionnghal Nic an t-Saoir, manaidsear-stùiriche an SWPL: "Tha na h-àireamhan seo sònraichte làidir às dèidh a' chiad seusain làn san SWPL agus tha seo a' riochdachadh obair chruaidh nan sgiobaidhean againn airson ball-coise nam ban ann an Alba a leasachadh."

Dh'innis an SPFL na bu thràithe san Dàmhair gun deach an t-suim airgid as àirde a thoirt do sgiobaidhean nam fear cuideachd air a' bhliadhna seo.

Tilidh ball-coise ann am Prìomh Lìg nam Ban Didòmhnaich, leis an 12 sgioba a' cluich às dèidh uinneag eadar-nàiseanta a bhith ann.

Didòmhnaich 5mh An t-Samhain

Mon Rois 13:00 Hibernian

Partick Thistle 14:00 Hamaltan

Heart of Midlothian 15:00 Glasgow City

Dùn Dè Aonaichte 16:00 Celtic

Tobar na Màthar 16:00 Obar Dheathain

Rangers 16:00 Spartans