Rhybudd fod rhagor o dywydd crasboeth ar y ffordd i Gymru

Ffynhonnell y llun, Tudur Davies

Disgrifiad o'r llun, Plant yn chwarae ar lannau sych Afon Conwy yn Llanrwst yn y tywydd poeth

Mae rhybudd y bydd tywydd crasboeth yn taro rhannau helaeth o Gymru am weddill yr wythnos.

Mae rhybudd ambr y Swyddfa Dywydd mewn grym ar gyfer dwyrain y wlad am bedwar diwrnod llawn, o ddydd Iau i ddydd Sul, gyda disgwyl i'r tymheredd gyrraedd hyd at 35C.

Maen nhw'n rhagweld y bydd y tymheredd ar ei boethaf ddydd Gwener a dydd Sadwrn, ac y bydd hi'n parhau'n boeth iawn dros nos, yn enwedig mewn mannau dinesig.

Mae'r rhybudd mewn grym ar gyfer hanner y siroedd yng Nghymru - Blaenau Gwent, Bro Morgannwg, Caerdydd, Caerffili, Casnewydd, Sir Fynwy, Merthyr Tudful, Powys, Rhondda Cynon Taf, Torfaen a Wrecsam.

Mae sychder yn dilyn haf poeth a diffyg glaw eisoes yn effeithio ar rai o afonydd Cymru, gyda chamau yn cael eu cymryd i geisio amddiffyn lefelau d诺r.

Ffynhonnell y llun, Matthew Horwood

Disgrifiad o'r llun, Mae'r sychder eisoes yn amlwg ledled Cymru, gan gynnwys yma yng Nghronfa Llwyn-onn ym Mannau Brycheiniog

Yn siarad ar Radio Wales fore Mercher, dywedodd Prif Swyddog Gweithredol Afonydd Cymru - y sefydliad sy'n cynrychioli chwe ymddiriedolaeth afonydd rhanbarthol Cymru - nad oedd y darlun yn gyson ar draws y wlad.

Dywedodd Gail Davies-Walsh: "Mae rhai o'n hafonydd yn mynd i lawr i lefelau eithriadol o isel ond nid yw'r darlun hwnnw'n gyson ar draws Cymru, mae rhai o'n hafonydd yn dal i fyny ac yn uwch na'r cyfartaledd.

"Rydym yn gweithio gyda Chyfoeth Naturiol Cymru i edrych ar y defnydd o ryddhau cronfeydd d诺r, i helpu i gefnogi llif isel yn rhai o'r afonydd hynny.

"Yr hyn sydd angen i ni ei gadw mewn cof yw os awn ni'n gynnar ar rai o'r gweithredoedd hyn, a bod y tywydd sych yn parhau, ein bod ni o bosib yn mynd yn rhy gynnar ac yna allwn ni ddim amddiffyn yr afonydd pan maen nhw ar eu hisaf."

Mae'r Swyddfa Dywydd yn rhybuddio y gallai'r tywydd poeth effeithio ar deithio, fel gwasanaethau tr锚n, ac achosi prysurdeb ar y ffyrdd wrth i bobl heidio i ardaloedd poblogaidd.

Daw wythnosau'n unig ar 么l i Gymru gofnodi'r diwrnod poethaf erioed, wedi iddi gyrraedd 37.1C ym Mhenarl芒g, Sir y Fflint.

Mae D诺r Cymru hefyd wedi rhybuddio fod prinder d诺r yn mynd yn "ddyrys", ac maen nhw eisoes wedi cyhoeddi y bydd gwaharddiad ar ddefnyddio pibelli d诺r yn y mwyafrif o Sir Benfro a rhan o Sir G芒r o 19 Awst.

Yn sgil y tywydd poeth yn ddiweddarach yr wythnos hon, mae Gwasanaeth T芒n Canolbarth a Gorllewin Cymru wedi apelio ar bobl i beidio defnyddio barbeciws tafladwy oherwydd pryderon y gallai hynny gynnau tanau gwair.

"Mae'n berygl mawr - yn Sir Benfro yn ddiweddar roedd digwyddiad lawr yn Niwgwl allai fod yn gysylltiedig 芒 barbeciw tafladwy," meddai Will Stephenson o'r gwasanaeth.

"Hyd yma yr haf hwn mae Gwasanaeth T芒n Canolbarth a Gorllewin Cymru eisoes wedi cael ei alw i dros 280 o danau gwair oedd un ai wedi'u cynnau yn fwriadol neu drwy gamgymeriad.

"Gyda'r holl dywydd sych sydd i ddod, dy'n ni eisiau ceisio lleihau'r risg o hynny cymaint ag y gallwn ni.

"Am y dyddiau nesaf, dyw e just ddim werth e."