Bryn F么n sy'n Ateb y Galw yr wythnos yma
- Cyhoeddwyd
Y canwr a'r actor Bryn F么n sy'n Ateb y Galw yr wythnos hon, wedi iddo gael ei enwebu gan Morfudd Hughes wythnos diwetha'.
Beth ydi dy atgof cyntaf?
Reidio beic tair olwyn ar hyd y landing tua pump o'r gloch fore Nadolig. A fy chwiorydd yn rhuthro mewn pryd i fy atal rhag syrthio lawr y grisiau!
Pwy oeddet ti'n ei ffansio pan yn iau?
Mrs Glenys Jones, athrawes ysgol gynradd. Roedd hi'n gwisgo mini-skirts.
Beth oedd y digwyddiad a gododd y mwya' o gywilydd arnat ti erioed?
Sefyll ar fy nghlogyn fy hun tra'n chwarae rhan Owain Glyndwr ar y llwyfan yn Aberystwyth, a baglu oddi ar y llwyfan yn ddisymwth ynghanol fy araith fawr.
Bryn F么n (dde) yn chwarae rhan cymeriad Tecwyn Parry yn C'mon Midff卯ld
Pryd oedd y tro diwethaf i ti gr茂o?
Wedi cr茂o lot yn ddiweddar mewn angladdau ffrindiau da.
Oes gen ti unrhyw arferion drwg?
Oes, dwi'n ddyn tydw!
Dy hoff le yng Nghymru a pham?
Dyffryn Nantlle - teimlo mod i'n perthyn i'r lle a'r bobol.
Roedd Bryn F么n yn rhan o d卯m yn 2015 fu'n ceisio creu anthem ar gyfer ardal Dyffryn Nantlle
Y noson orau i ti ei chael erioed?
Gweler fy ngh芒n Noson Ora 'Rioed...!
Disgrifia dy hun mewn tri gair
Penderfynol. Gonest. Oriog.
O Archif Ateb y Galw:
Beth yw dy hoff lyfr neu ffilm?
Llyfr - Hanes Cymru gan John Davies. Ffilm - One Flew Over the Cuckoo's Nest.
Byw neu farw, gyda phwy fyddet ti'n cael diod. Pam?
Wil Sam, Stewart Jones a John Ogwen. P'nawn difyr, fel yn y dyddiau fu, a straeon difyr a chelwyddog.
Dyweda rywbeth amdanat ti dy hun nad oes yna lawer o bobl yn ei wybod
Rydw i'n hoffi coginio.
Ar dy ddiwrnod olaf ar y blaned, beth fyddet ti'n ei wneud?
Coginio pryd bendigedig i fy nheulu a'n ffrindiau ac yna cyd-fwyta ac yfed gwin da tra'n gwylio'r machlud.
Mae Bryn F么n bellach yn 么l ar y sgrin fach fel Dr Elgan Pritchard yn Pobol Y Cwm
Beth yw dy hoff g芒n a pham?
Tower of Song gan Leonard Cohen. C芒n hwyliog, ddoniol ar un wedd, ond c芒n sydd yn d'eud dipyn am y diwydiant cerdd.
Cwrs cyntaf, prif gwrs a phwdin - beth fyddai'r dewis?
Cregyn bylchog wedi eu ffrio mewn wisgi Penderyn. Cig oen wedi ei rostio yn ara' deg gyda garlleg a rhosmari. Pwdin bara.
Petaset yn gallu bod yn rhywun arall am ddiwrnod, pwy fyddai fo/hi?
Neb - ddim am fod yn gyfrifol am fywyd neb arall - hyd yn oed am ddiwrnod.
Pwy sydd yn Ateb y Galw wythnos nesaf?
Sharon Roberts
Ydy Sharon Roberts (Gaynor yn Pobol Y Cwm) wedi derbyn cyngor ar sut i ateb cwestiynau Ateb y Galw?