A470: Ffordd mewn biliwn
- Cyhoeddwyd
"Alla'i ddim credu'r ffordd 'ma!"
"'Dyn ni 'di cyrraedd 'to?" Dyna gwestiwn sy'n cael ei ofyn yn aml gan deithwyr mewn ceir wrth deithio rhwng y de a'r gogledd ar yr A470. Mae'n gallu teimlo fel siwrne ddi-ddiwedd, ond fyddai'r sefyllfa yn gwella petai yna arian ar gael i'w gwella?
Mae Llywodraeth Cymru yn bwriadu gwario 拢1.1bn er mwyn ysgafnhau'r tagfeydd traffig presennol ar yr M4 rhwng Magwyr a Chas-bach ger Casnewydd.
Does dim amheuaeth bod y tagfeydd ger twnneli Brynglas yn achosi rhwystredig aeth mawr i yrwyr yn gyson.
Ond beth am y teithwyr rheiny sydd wedi colli'r ewyllys i fyw ar sawl achlysur wrth fod yn sownd tu 么l i garaf谩n ar yr A470? Pa mor bell y byddai 拢1.1bn yn mynd i wella'r daith anodd honno?
Byddai'r gost o greu ffordd ddeuol ar hyd yr A470 yn cymharu gyda'r gwaith sydd yn digwydd i greu ffordd tebyg ar hyd yr A465, Ffordd Blaenau'r Cymoedd ar hyn o bryd. Cost fesul cilometr (km) y cynllun ar gyfartaledd yw 拢24m y cilometr.
Pa mor bell ar 拢1bn?
Ar hyn o bryd mae'r A470 yn ffordd ddeuol yr holl ffordd o Gaerdydd i Ferthyr Tudful. Petai 'na fuddsoddi o 拢1bn byddai'n bosib teithio 42km neu 26 milltir ychwanegol ar ffordd ddeuol hyd at gyrion Felinfach, sydd tua 3 milltir i'r gogledd o Aberhonddu.
Pan gofiwch chi mai 41 milltir yw'r pellter rhwng Caerdydd ac Aberhonddu, mae codi ffordd newydd yn waith drud iawn! .. ac mae 'na 138 milltir ar 么l tan i ni gyrraedd pen y daith yn Llandudno!
Ar wah芒n i ffordd osgoi Aberhonddu does 'na ddim ffordd ddeuol am weddill y daith hir i'r gogledd.
Mae'r llinell las yn dangos pa mor bell y byddai 拢1 biliwn yn mynd i wella'r A470 yn y de
Cyn i bobl y gogledd ein cyhuddo o edrych ar bob dim o gyfeiriad Caerdydd, pa mor bell y byddai'r 拢1bn yn mynd petai'r gwaith o ddeuoli'r A470 yn dechrau yn Llandudno?
Byddai ffordd ddeuol 26 milltir o hyd yn mynd 芒 chi i 'Bont Rufeinig', ger Dolwyddelan. Mae'n bosib hefyd i chi ddilyn ffordd B fwy uniongyrchol a chyrraedd Carrog, cymuned fechan i'r de o Benmachno.
Pa mor bell aiff 拢1bn: Y llinell las yn dangos deuoli'r ffordd o Landudno i gyrion Dolwyddelan
Gan ddefnyddio'r ffigyrau yma byddai'n costio bron i 拢6bn i ddeuoli pob cam o'r A470. Ond, mewn oes o doriadau ac ansicrwydd yngl欧n 芒 pherthynas y DU gydag Ewrop, mae'n edrych yn debyg mai ymlwybro tu 么l i'r lor茂au a'r carafanau ydy'r unig ddewis i'r rhan fwyaf ohonon ni am rai blynyddoedd i ddod.
