成人快手

Siarad gyda pherthnasau
Pan yn cychwyn eich ymchwil, mi allwch chi gasglu llawer o wybodaeth wrth sgwrsio efo'r teulu. Siaradwch gyda chymaint a phosib o berthnasau i gael enwau, ffeithiau, a manylion - yn arbennig gan berthnasau hyn (neiniau a teidiau). Yn aml byddant yn medru cynnig manylion pellach fel dyddiadau a lleoliadau, ac efallai y byddai ganddynt ddogfennau teunuol fydd o gymorth i chi.

Tystysgrifau geni, marwolaeth a phriodi
Beth am ddechrau efo'ch tystysgrif geni? Mae'n cofnodi enwau eich rhieni yn ogystal ag enw morwynol eich mam.

Bydd tystysgrifau geni eich rhieni yn nodi enwau eich neiniau a'ch teidiau hefyd ac enw morwynol eich dwy nain. Bydd tystysgrif priodas yn nodi enwau eich dau daid a'u gwaith a bydd tystysgrifau priodas y neiniau a'r teidiau yn rhoi'r un wybodaeth. A dyna chi wedi mynd yn 么l dair cenhedlaeth yn barod!

Cofnodion llai ffurfiol
Mae cofnodion llai ffurfiol hefyd yn bwysig iawn wrth hel achau. Peidiwch ag anghofio am ddyddiaduron, llythyrau, llyfrau lloffion, llyfrau cyfeiriadau, adroddiadau ysgol, tystysgrifau addysgol a chardiau pensiwn.

Mae lluniau yn arbennig o ddefnyddiol ac yn medru bod yn hwb i gof ambell un. Weithiau mae gwybodaeth yn cael ei chofnodi ar gefn lluniau felly cofiwch edrych ac ychwanegu manylion os nad ydynt ar gael. Mae'n hawdd anghofio!

Cynllunio'n fanwl
Cyn i chi gychwyn eich ymchwil mwy manwl, mae'n werth dylunio cynllun bras i'r hyn ydych yn ei wybod. Y lle gorau i gychwyn yw gyda chi eich hun a'ch plant / wyrion neu wyresau, yna symud am yn 么l gyda'ch brodyr a chwiorydd, rhieni, neiniau a teidiau ac yn y blaen.

Un peth i fod yn ofalus ohono yw fod pob teulu'n chwarel o straeon bach a mawr ond dydyn nhw ddim i gyd yn wir! Ceisiwch brofi eich ffordd yn 么l o un genhedlaeth i'r llall, neu holi gwahanol aelodau o'r teulu yn hytrach na dibynnu ar dybiaethau neu honiadau un person.